|
ຕາມຂ່າວສານຊິນຮວາ: ໃນຫຼາຍມື້ມານີ້, ຫາງສຽງຮົງກົງໄດ້ວິຈານການຕົກລົງຂອງສະພາປະຊາຊົນແຫ່ງຊາດກ່ຽວກັບວິທີເລືອກຕັ້ງຜູ້ວ່າການ ສະພານິຕິບັນຍັດ ແລະບັນຫາການເລືອກຕັ້ງທົ່ວໄປຂອງເຂດບໍລິຫານພິເສດຮົງກົງໃນປີ 2012. ໜັງສືພິມທີ່ສຳຄັນຕ່າງໆຂອງຮົງກົງສະບັບວັນທີ 31 ທັນວານີ້ ໄດ້ພິມບົດວິຈານເຫັນວ່າ, ການຕົກລົງຂອງສະພາປະຊາຊົນແຫ່ງຊາດມີຜົນດີຕໍ່ຜົນປະໂຫຍດຍາວໄກ ຜົນປະໂຫຍດລວມ ແລະຄວາມຈະເລີນຮຸ່ງເຮືອງແລະສະຖຽນລະພາບຍາວນານຂອງຮົງກົງ.
ໜັງສືພິມ "ເວີນຮຸ້ຍປ້າວ" ຂອງຮົງກົງໄດ້ພິມບົດວິຈານຂຽນວ່າ, ສະພາປະຊາຊົນແຫ່ງຊາດໄດ້ວາງຕາຕະລາງເວລາກ່ຽວກັບການເລືອກຕັ້ງທົ່ວໄປຢ່າງຄັກແນ່ ອັນໄດ້ຮັບຄວາມຮັບຮອງແລະຢືນຢັນທົ່ວໄປຈາກສັງຄົມຮົງກົງ.
ໜັງສືພິມ "ເສີງປ້າວ" ຂອງຮົງກົງໄດ້ພິມບົດວິຈານຂຽນວ່າ, ສະພາປະຊາຊົນແຫ່ງຊາດໄດ້ຕົກລົງຈະເລືອກຕັ້ງຜູ້ບໍລິຫານເຂດຮົງກົງໃນປີ 2017, ຕາມແຜນດັ່ງກ່າວ, ຮົງກົງຈະຂຽນບົດທີ່ກະຕຸ້ນໃຈຄົນແຫ່ງການພັດທະນາປະຊາທິປະໄຕ.
ໜັງສືພິມ "ຊິ່ນປ້າວ"ຂອງຮົງກົງໄດ້ພິມບົດນຳຂຽນວ່າ, ການຕົກລົງຂອງສະພາປະຊາຊົນແຫ່ງຊາດ ບໍ່ພຽງແຕ່ໄດ້ສະແດງໃຫ້ເຫັນວ່າ ລັດຖະບານກາງແມ່ນໂຄລົບ "ປະເທດດຽວສອງລະບອບ" "ຊາວຮົງກົງປົກຄອງຮົງກົງ" ແລະປົກຄອງຕົນເອງໃນລະດັບສູງ ເທົ່ານັ້ນ, ຍິ່ງໄດ້ສະແດງໃຫ້ເຫັນວ່າ, ລັດຖະບານກາງມີຄວາມໝັ້ນໃຈຕໍ່ສະຖານະການການເມືອງຮົງກົງ ຫຼັງຈາກຮົງກົງກັບຄືນສູ່ປະເທດຊາດ 10 ປີມານີ້, ແລະມີຄວາມໝັ້ນໃຈຕໍ່ອະນາຄົດການພັດທະນາຂອງຮົງກົງ.
|
