ຕາມຂ່າວສານຊິນຮວາ: ວັນທີ 1 ມັງກອນນີ້ ສະມາຄົມໂອດີໂອແລະວີດີໂອຈີນ ແລະສະມາຄົມລິຂະສິດປະພັນດົນຕີຈີນປະກາດວ່າ, ໃນຖານະເປັນມາດຕະການສຳຄັນໃນການປົກປ້ອງສິດຊັບສິນທາງປັນຍາຂອງໂອດີໂອແລະວີດີໂອ, ນັບມາຮອດທ້າຍປີ 2007, ຈີນມີ 15 ແຂວງ ເຂດປົກຄອງຕົນເອງແລະກຳແພງນະຄອນ ເລີ່ມເກັບຄ່າລິຂະສິດເພງຄາລາໂອເຄ.
ຕັ້ງແຕ່ວັນທີ 13 ກຸມພາ 2007 ເປັນຕົ້ນມາ, ຢູ່ 15 ແຂວງ ເຂດປົກຄອງຕົນເອງແລະກຳແພງນະຄອນ ຄື ແຂວງສ້ານຊີ່ ແຂວງຊ່ານຕົ່ງ ນະຄອນຫຼວງປັກກິ່ງແລະແຂວງກວາງຕຸ້ງເປັນຕົ້ນ ໄດ້ເລີ່ມອະນຸຍາດໃຫ້ໃຊ້ລິຂະສິດເພງຄາລາໂອເຄ, ແລະຈະເຜີຍແຜ່ໄປທົ່ວປະເທດເປັນກ້າວໆ. ປັດຈຸບັນ ບາງວິສາຫະກິດຄາລາໂອເຄໄດ້ເຊັນສັນຍານຳໃຊ້ລິຂະສິດເພງຄາລາໂອເຄ ກັບສອງສະມາຄົມດັ່ງກ່າວແລ້ວ, ແລະຍັງມີຜູ້ດຳເນີນທຸລະກິດສອບຖາມລາຍລະອຽດຢ່າງບໍ່ຂາດ.
ທ່ານສາສະດາຈານລິວຊຸ່ນຖຽນ ຮອງຫົວໜ້າສະຖາບັນນັກສຶກສາຊັ້ນປະລິນຍາໂທ-ເອກມະຫາວິທະຍາໄລປະຊາຊົນຈີນ ຜູ້ຊ່ຽວຊານດ້ານຊັບສິນທາງປັນຍາຈີນເຫັນວ່າ, ການເກັ່ບຄ່າເພງຄາລາໂອເຄໄດ້ມີຄວາມຄືບໜ້າ, ນີ້ສະແດງໃຫ້ເຫັນວ່າ, ການປົກປ້ອງຊັບສິນທາງປັນຍາຂອງຈີນພວມປ່ຽນແປງຈາກມາດຕາທີ່ລະບຸໄວ້ໃນກົດໝາຍມາເປັນພຶດຕິກຳສັງຄົມ.
|