|
|
 |
| (GMT+08:00)
2008-01-02 16:04:56
|
 |
|
ເຕັກນິກເຊື້ອຫຍ້າທີ່ນັກວິຊາການຈີນປະດິດສ້າງກາຍເປັນເຕັກນິກຜະລິດກະສິກຳສຳຄັນທີ່ສະຫນັບສະຫນູນການພັດທະນາຂອງປະເທດອາຟຼີກາ
cri
ຕາມຂ່າວສານຊີນຮວາ: ມະຫາວິທະຍາໄລກະສິກຳປ່າໄມ້ແຂວງຟູ້ຈ້ຽນແຈ້ງໃຫ້ຊາບວ່າ,ຈີນໄດ້ສົ່ງຊ່ຽວຊານແລະນັກວິຊາການໄປຕ່າງປະເທດແລະຈັດຕັ້ງຫ້ອງອົບຮົມເຕັກນິກສາກົນ,ເຕັກນິກ ເຊື້ອຫຍ້າທີ່ຜູ່ຊ່ຽວຊານຂອງມະຫາວິທະຍາໄລນີ້ຄົ້ນຄວ້າປະດິດສ້າງໄດ້ກາຍເປັນເຕັກນິກຜະລິດກະສິກຳສຳຄັນທີ່ສະຫນັບສະຫນູນປະເທດອາຟຼີກາພັດທະນາເສດຖະກິດສັງຄົມ.
ກາງເດືອນທັນວາປີ 2007,ຊຸດອົບຮົມເຕັກນິກເຊື້ອຫຍ້າສາກົນໄດ້ຈັດຂຶ້ນຢູ່ເມືອງຝູໂຈ່ວແຂວງຟູຈ້ຽນຂອງຈີນ.ຊ່າງເຕັກນິກກະສິກຳຊຳບີຜູ່ຫນຶ່ງທີ່ເຄີຍມາຈີນສາມເທື່ອເພື່ອເຂົ້າຮ່ວມການອົບຮົມດັ່ງກ່າວກ່າວວ່າ, ການນຳໃຊ້ເຕັກນິກເຊື້ອຫຍ້າສາມາດເຮັດໃຫ້ຊາວກະສິກອນຫລາຍກວ່າເກົ່າຫລຸດພົ້ນອອກຈາກຄວາມທຸກຍາກທີ່ສຸດພາຍໃນເວລາສັ້ນ.ນອກນີ້ ເຕັກນິກບົ່ມເພາະເຊື້ອຫຍ້າສາມາດປ້ອງກັນບໍ່ໃຫ້ຕົ້ນໄມ້ຖືກທຳລາຍ.
ເຕັກນິກເຊື້ອ ຫຍ້າ ແມ່ນເຕັກນິກທີ່ເອົາ ເຊື້ອ ຫຍ້າ ເປັນວັດຖຸດິບມາບົ່ມເຫັດທີ່ກິນໄດ້ ຜະລິດຫົວອາຫານສັດທີ່ມີທາດໂປຼຕິນແລະເຄື່ອງປຸງຫົວ ອາຫານສັດຊີວະພາບ.ເຕັກນິກນີ້ໄດ້ເຜີຍແຜ່ໄປຮອດ 60 ກວ່າປະເທດແລ້ວ.
|
|
|
