ຕາມ​ຂ່າວສານ​ຊິນ​ຮວາ: ວັນ​ທີ 3 ມັງກອນ​ນີ້ ທ່ານ​ລິວ​ສິ ປະທານ​ຄະນະ​ກຳມະການ​ຈັດ​ຕັ້ງ​ງານ​ກິລາ​ໂອ​ລິ​ມປິກ​ປັກ​ກິ່ງ​ກ່າວ​ວ່າ, ປີ 2008 ​ແມ່ນ​ປີ​ກິລາ​ໂອ​ລິ​ມປິກຂອງ​ຈີນ​ແລະ​ໂລກ, ຈະ​ຈັດງານ​ກິລາ​ໂອ​ລິ​ມປິກ​ແລະ​ງານ​ກິລາ​ໂອ​ລິ​ມປິກ​ຄົນ​ພິການ​ໃຫ້​ມີ​ສີ​ສັນ​ພິ​ເສດ​ແລະ​ມີ​ລະ​ດັບ​ສູງ.

ທ່ານ​ລິວ​ສິຊີ້​ອອກ​ວ່າ, ວຽກ​ງານ​ກະກຽມ​ງານ​ກິລາ​ໂອ​ລິ​ມປິກ​ໄດ້​ດຳ​ເນີນ​ມາ​ເປັນ​ເວລາ 6 ປີ​ຢ່າງ​ສະດວກ. ປີ 2007 ​ໄດ້​ບັນລຸ​ເປົ້າໝາຍ​ປະຈຳ​ປີ​ຕາມ​ກຳນົດ​ເວລາ. ການ​ກໍ່​ສ້າງ​ສະ​ໜາມ​ກິລາ​ແລະ​ສິ່ງ​ກໍ່ສ້າງ​ອື່ນໆ ​ຈະໄດ້​ສຳ​ເລັດ​ໜ້າ​ທີ່​ການ​ກໍ່ສ້າງທັງ​ໝົດ. ວຽກ​ງານ​ການ​ເຝິກ​ຊ້ອມ​ພິທີ​ເປີດ​​ແລະ​ປິດງານ​ໄດ້​ດຳ​ເນີນ​ໄປ​ຢ່າງຮອບດ້ານ. ວຽກ​ງານ​ກະກຽມ​ການ​ແລ່ນ​ສົ່ງ​ຕໍ່ທວນ​ໄຟ​ງານ​ກິລາ​ໄດ້​ສຳ​ເລັດ​ໂດຍ​ພື້ນຖານ. ວຽກ​ງານ​​ຮັບ​ສະໝັກ​ແລະ​ອົບຮົມ​ອາສາ​ສະ​ໝັກ ​ໄດ້​ເຂົ້າສູ່​ລວງ​ເລິກ. ວຽກ​ງານ​ກະກຽມ​ງານ​ກິລາ​ໂອ​ລິ​ມປິກ​ຄົນ​ພິການ​ໄດ້​ດຳ​ເນີນ​ໄປ​ໃນ​ຈັງຫວະ​ດຽວ​ກັນ.

ທ່ານ​ລິວ​ສິກ່າວ​ວ່າ, ປີ 2008 ຕ້ອງ​ສຳ​ເລັດ​ໜ້າ​ທີ່​ກະກຽມ​​ໝົດ​ທຸກຢ່າງ, ​ເພີ່ມ​ທະວີ​ການ​ໂຄ​ສະ​ນາ​ງານ​ກິລາ​ໂອ​ລິ​ມປິກ, ​ເພີ່​ມທະວີ​ການ​ປ້ອງ​ກັນຄວາມ​ປອດ​ໄພ​ຂອງ​ງານ​ກິ​ລາ​ໂອ​ລິມ​ປິກ, ຮັບປະກັນ​ງານ​ກິລາ​ໂອ​ລິ​ມປິກ​ໄດ້​ດຳ​ເນີ​ນ​ໄປ​ຢ່າງ​ປອດ​ໄພ.