|
|
 |
| (GMT+08:00)
2008-01-04 16:04:08
|
 |
|
ຜູ່ນຳມຽນມາຮຽກຮ້ອງປະຊາຊົນພ້ອມກັນທຳຄວາມພະຍາຍາມເພື່ອສ້າງປະເທດທີ່ມີປະຊາທິປະໄຕ
cri
ຕາມຂ່າວສານຊີນຮວາ: ວັນທີ 4 ມັງກອນນີ້ ໃນເວລາກ່າວຄຳອວຍພອນສະຫລອງວັນເອກະລາດ,ພົນເອກອາວຸໂສທັນສເວ ປະທານຄະນະກຳມະການສັນຕິພາບແລະການພັດທະນາແຫ່ງຊາດມຽນມາຮຽກຮ້ອງໃຫ້ປະຊາຊົນພ້ອມກັນພະຍາຍາມ,ສ້າງປະເທດປະຊາທິປະໄຕທີ່ທັນສະໄຫມ ສັນຕິພາບ ພັດທະນາແລະມີວິໄນ.
ທ່ານທັນສເວຍັງຮຽກຮ້ອງໃຫ້ປະຊາຊົນສາມັກຄີເປັນນ້ຳຫນຶ່ງໃຈດຽວກັນ, ບັນລຸເປົ້າຫມາຍຂອງແຜນການປະຊາທິປະໄຕ 7 ຂໍ້ດ້ວຍນ້ຳໃຈສາມັກຄີ ຮັກຊາດແລະເສຍສະຫລະ.ທ່ານກ່າວເນັ້ນວ່າ,ລັດຖະບານໄດ້ປະຕິບັດແຜນການໄປເທື່ອລະກ້າວແລ້ວ,ປັດຈຸບັນ ຄະນະກຳມະການຮ່າງລັດຖະທຳມະນູນພວມຮ່າງລັດຖະທຳມະນູນສະບັບໃຫມ່ຕາມຫລັກການສ້າງລັດຖະທຳມະນູນທີ່ກອງປະຊຸມແຫ່ງຊາດເພື່ອຮ່າງລັດຖະທຳມະນູນໄດ້ຕົກລົງ.
ເດືອນສິງຫາປີ 2003, ລັດຖະບານທະຫານມຽນມາໄດ້ປະກາດແຜນການ 7 ຂໍ້ທີ່ມີຈຸດປະສົງກ້າວໄປສູ່ປະຊາທິປະໄຕ.ກອງປະຊຸມແຫ່ງຊາດໄດ້ຮ່າງລັດຖະທຳມະນູນທີ່ເປັນບາດກ້າວທຳອິດໃນແຜນການດັ່ງກ່າວໄດ້ສຳເລັດຫນ້າທີ່ໃນເດືອນກັນຍາປີ 2007.
|
|
|
