|
|
 |
| (GMT+08:00)
2008-01-05 17:16:09
|
 |
|
ADBລົງທຶນເຂົ້າໃນຂະແໜງການສະໜາມບິນຂອງຈີນເປັນຄັ້ງທຳອິດ
cri
Author: shuo
ຕາມຂ່າວສານຊິນຮວາ:ວັນທີ4ມັງກອນນີ້,ທະນາຄານພັດທະນາອາຊີຫຼືADBທີ່ມີສຳນັກງານໃຫຍ່ຕັ້ງຢູ່ມານີລາໄດ້ອອກປະກາດແຈ້ງຂ່າວວ່າ,ທະນາຄານພັດທະນາອາຊີຈະລົງທຶນ50ລ້ານໂດລາໃຫ້ແກ່ບໍລິສັດຄຸມຫຸ້ນສະໜາມບິນບໍລິສັດການບິນໄຫຫຼຳຈຳກັດ,ເພື່ອໃຊ້ໃນການກໍ່ສ້າງແລະພັດທະນາສະໜາມບິນຂະໜາດກາງແລະຂະໜາດນ້ອຍຢູ່ເຂດພາກກາງພາກຕາເວັນຕົກຂອງຈີນ,ນີ້ແມ່ນທະນາຄານພັດທະນາອາຊີລົງທຶນເຂົ້າໃນຂະແໜງການສະໜາມບິນຂອງຈີນເປັນຄັ້ງທຳອິດ.
ປະກາດແຈ້ງຂ່າວຂຽນວ່າ,ທະນາຄານພັດທະນາອາຊີຫວັງໃຫ້ການລົງທຶນຄັ້ງນີ້ຈະສາມາດຊ່ວຍໃຫ້ບໍລິສັດດັ່ງກ່າວດຶງດູດການລົງທຶນສາກົນຫຼາຍກວ່າເກົ່າ,ພ້ອມກັນເຂົ້າຮ່ວມການປະຕິຮູບສະໜາມບິນພົນລະເຮືອນຂອງຈີນ.
ຜູ້ຮັບຜິດຊອບທີ່ກ່ຽວຂ້ອງຂອງທະນາຄານພັດທະນາອາຊີກ່າວວ່າ,ຂະແໜງການຂົນສົ່ງການບິນພົນລະເຮືອນຂອງຈີນພັດທະນາຢ່າງວ່ອງໄວ,ປະຈຸບັນນີ້,ໄດ້ກາຍເປັນຕະຫຼາດຂົນສົ່ງທາງອາກາດໃຫຍ່ທີສອງໃນໂລກເຊິ່ງຖັດຈາກອາເມລິກາ.ເມື່ອຮອດປີ2010,ຈີນຍັງຕ້ອງການກໍ່ສ້າງໃໝ່ຫຼືຂະຫຍາຍສ້າງສະໜາມບິນປະມານ60ແຫ່ງ.ໃນນັ້ນສ່ວນຫຼາຍຢູ່ເຂດພາກຕາເວັນຕົກ,ການລົງທຶນເຂົ້າໃນຂະແໜງການສະໜາມບິນມີອະນາຄົດກວ້າງຂວາງສົມຄວນ.
|
|
|
