|
|
 |
| (GMT+08:00)
2008-01-05 17:47:52
|
 |
|
ລັດຖະບານຈີນກວດກາການຈັດວາງຊີວິດການເປັນຢູ່ຂອງມວນຊົນຜູ້ທຸກຍາກໃນຊົນນະບົດ
cri
Author: shuo
ຕາມຂ່າວຈາກໜັງສືພິມເຢິນມິນຢື້ປ້າວຂອງຈີນ:ນັບແຕ່ເດືອນມັງກອນນີ້ເປັນຕົ້ນໄປ,ລັດຖະບານຈີນໄດ້ຈັດຕັ້ງຫຼາຍໜ່ວຍກວດກາ,ເພື່ອດຳເນີນການກວດກາການຈັດວາງຊີວິດການເປັນຢູ່ຂອງມວນຊົນຜູ້ທຸກຍາກໃນຊົນນະບົດທົ່ວປະເທດ.
ວັນທີ4ມັງກອນນີ້,ໃນກອງປະຊຸມທີ່ກ່ຽວຂ້ອງທີ່ຈັດຂຶ້ນຢູ່ປັກກິ່ງ,ທ່ານຫຼີລີ້ກົວ ລັດຖະມົນຕີຊ່ວຍວ່າການກະຊວງການປົກຄອງແລະປະຊາສົງເຄາະຈີນກ່າວວ່າ,ການກວດກາເທື່ອນີ້,ຈະກວດກາສະພາບການປະຕິບັດລະບຽບການຮັບປະກັນຊີວິດການເປັນຢູ່ລະດັບຕ່ຳສຸດໃນຊົນນະບົດ;ຈະກວດກາການຈັດວາງຊີວິດການເປັນຢູ່ຂອງມວນຊົນຢູ່ເຂດປະສົບໄພທ້ອງຖິ່ນຕ່າງໆແລະສະພາບການສ້າງສາເຮືອນຢູ່ປະຊາຊົນທີ່ພັງທະລາຍນັ້ນຄືນໃໝ່,ຈັດວາງຊີວິດການເປັນຢູ່ພື້ນຖານຂອງມວນຊົນຜູ້ທຸກຍາກທີ່ປະສົບໄພໃນໄລຍະລະດູໜາວແລະລະດູໃບໄມ້ປົ່ງໃຫ້ດີຢ່າງແທ້ຈິງ.
ປະຈຸບັນນີ້,ຈີນໄດ້ມີ2700ກວ່າເມືອງທີ່ກ່ຽວພັນເຖິງກະສິກຳສ້າງຕັ້ງລະບຽບການຮັບປະກັນຊີວິດການເປັນຢູ່ລະດັບຕ່ຳສຸດຊົນນະບົດ.ນັບມາຮອດເດືອນພະຈິກປີ2007,ຜູ້ໄດ້ຮັບການຮັບປະກັນຊີວິດການເປັນຢູ່ລະດັບຕ່ຳສຸດຊົນນະບົດໃນທົ່ວປະເທດມີເຖິງ31ລ້ານຄົນ.
|
|
|
