|
|
 |
| (GMT+08:00)
2008-01-07 15:21:27
|
 |
|
ຈີນຈະຊຸກຍູ້ຄວາມຍຸດຕິທຳແລະລັກສະນະສາທາລະນະປະໂຫຍດຂອງສາທາລະນະສຸກ
cri
Author: cai
ຕາມຂ່າວCRI:ວັນທີ 7 ມັງກອນນີ້,ຢູ່ປັກກິ່ງ,ໃນກອງປະຊຸມວຽກງານສາທາລະນະສຸກທົ່ວປະເທດຈີນ,ທ່ານເຊີນຈູ ລັດຖະມົນຕີວ່າການກະຊວງສາທາລະນະສຸກຈີນກ່າວວ່າ,ຈີນຈະຊຸກຍູ້ຄວາມຍຸດຕິທຳແລະລັກສະນະສາທາລະນະປະໂຫຍດຂອງສາທາລະນະສຸກ.
ທ່ານເຊີນຈູກ່າວວ່າ,ເມື່ອຮອດປີ 2020,ຈີນຈະພະຍາຍາມເຮັດໃຫ້ປະຊາຊົນທຸກຄົນໄດ້ຊົມໃຊ້ການບໍລິການດ້ານສາທາລະນະສຸກຂັ້ນພື້ນຖານ,ຄວາມໝາຍທີ່ແທ້ຈິງຂອງການໃຫ້ທຸກຄົນໄດ້ຊົມໃຊ້ກໍແມ່ນການຊົມໃຊ້ຢ່າງຍຸດຕິທຳ,ປະຊາຊົນທຸກຄົນ,ບໍ່ຈຳແນກເພດໄວ ອາຊີບ ເຂດແຄວ້ນຫຼືຄວາມສາມາດຈ່າຍ,ລ້ວນແຕ່ມີສິດແລະຜົນປະໂຫຍດເທົ່າທຽມກັນ.ທ່ານກ່າວວ່າ,ຈີນຈະໃຊ້ມາດຕະການຕ່າງໆເຊັ່ນເພີ່ມງົບປະມານດ້ານສາທາລະນະສຸກເພື່ອຫຼຸດຄວາມແຕກໂຕນກັນທີ່ເກີດຂຶ້ນລະຫວ່າງຕົວເມືອງກັບຊົນນະບົດ ເຂດຕ່າງໆແລະປະຊາຊົນທີ່ມີລະດັບຕ່າງກັນໃນການຈັດສັນຊັບພະຍາກອນສາທາລະນະສຸກ ໃນການເຂົ້າເຖິງການບໍລິການດ້ານສາທາລະນະສຸກແລະໃນສະພາບສຸຂະພາບໃນປະຈຸບັນໃຫ້ໜ້ອຍລົງເປັນກ້າວໆ.
ທ່ານເຊີນຈູຍັງກ່າວວ່າ,ຄຽງຄູ່ກັບງົບປະມານດ້ານສາທາລະນະສຸກໄດ້ເພີ່ມຂຶ້ນຢ່າງບໍ່ຢຸດຢັ້ງ,ລັດຖະບານຈີນຈະເນັ້ນໜັກລັກສະນະສາທາລະນະປະໂຫຍດຂອງວຽກງານສາທາລະນະສຸກຕື່ມອີກເພື່ອໃຫ້ຜົນປະໂຫຍດແກ່ປະຊົນຊົນ.
|
|
|
