|
|
 |
| (GMT+08:00)
2008-01-07 17:09:57
|
 |
|
ຈີນຈະຮັບປະກັນຄວາມປອດໄພດ້ານສາທາລະນະສຸກໃນໄລຍະຈັດງານກິລາໂອລິມປິກປັກກິ່ງ
cri
ຕາມຂ່າວ cri :ວັນທີ 7 ມັງກອນນີ້ ຢູ່ປັກກິ່ງ,ທ່ານເຊີນຈູ ລັດຖະມົນຕີວ່າການກະຊວງສາທາລະນະສຸກຈີນກ່າວວ່າ,ປີ 2008, ຈີນຈະເພີ່ມທະທວີມາດຕະການຮັບປະກັນຄວາມປອດໄພດ້ານສາທາລະນະສຸກເຊັ່ນ ການຕິດຕາມຄວບຄຸມພະຍາດ ຕິດຕາມກວດກາສຸຂະພາບ ຮັບມືກັບກໍລະນີສຸກເສີນດ້ານສາທາລະນະສຸກ ,ເພື່ອຮັບປະກັນຄວາມປອດໄພດ້ານສາທາລະນະສຸກໃນໄລຍະຈັດງານກິລາໂອລິມປິກແລະງານກິລາໂອລິມປິກຄົນພິການ.
ທ່ານເສີນຈູກ່າວວ່າ, ປັກກິ່ງຈັດງານກິລາໂອລິມປິກແລະງານກິລາໂອ ລິມປິກຄົນພິການແມ່ນໂອກາດທີ່ດີທຂອງຈີນໃນການພັດທະນາວຽກງານ ສາທາລະນະສຸກ.ຈີນຈະເພີ່ມທະວີການຮ່ວມກັນປ້ອງກັນແລະຄວບຄຸມລະຫວ່າງປັກກິ່ງແລະເມືອງຕ່າງໆທີ່ຈັດການແຂ່ງຂັນໃນໄລຍະງານກິລາໂອລິມປິກກັບບັນດາແຂວງຢູ່ອ້ອມຂ້າງ, ຕິດຕາມຂໍ້ມູນກ່ຽວກັບການລະບາດຂອງພະຍາດຢູ່ຕ່າງປະເທດໃຫ້ດີ,ດຳເນີນການຝຶກແອບແລະວາງແຜນລ່ວງຫນ້າໃຫ້ດີ,ເພື່ອປ້ອງກັນ ຫລຸດຜ່ອນແລະກຳຈັດຄວາມສ່ຽງດ້ານຄວາມປອດໄພທາງສາທາລະນະສຸກເທົ່າທີ່ຈະເຮັດໄດ້.
ຕາມຊາບວ່າ, ເລີ່ມແຕ່ປີ 2006 ເປັນຕົ້ນມາ, ນະຄອນຫລວງປັກກິ່ງໄດ້ເລີ່ມປະເມີນຄວາມສ່ຽງດ້ານເຫດການສາທາລະນະສຸກທີ່ອາດຈະເກີດຂຶ້ນໃນໄລຍະຈັດງານກິລາໂອລິມປິກ.ປີ 2007, ຈີນຍັງໄດ້ຈັດຊຸດອົບຮົມໃຫ້ນະຄອນຫລວງປັກກິ່ງແລະຕົວເມືອງຕ່າງໆທີ່ຈັດການແຂ່ງຂັນໃນໄລຍະງານກິລາໂອລິມປິກ, ເພື່ອຍົກຄວາມສາມາດປ້ອງກັນແລະຄວບຄຸມການເກີດແລະແຜ່ລະບາດພະຍາດຕິດແປດໃຫ້ສູງຂຶ້ນ.
|
|
|
