|
|
 |
| (GMT+08:00)
2008-01-08 11:55:15
|
 |
|
ກຳມະບານຈີນຊ່ອຍເຫຼືອຄອບຄົວກຳມະກອນທຸກຍາກ 71 ລ້ານຄອບຄົວ
cri
ຕາມຂ່າວສານຊິ່ນຮວາ: ໃນ 16 ປີທີ່ກຳມະບານຈີນໄດ້ດຳເນີນກິດຈະກຳມອບຄວາມອົບອຸ່ນເປັນຕົ້ນມາ, ໄດ້ຊອກຫາທຶນໃຫ້ກິດຈະກຳມອບຄວາມອົບອຸ່ນ 26 ຕື້ 400 ລ້ານຢວນ, ໄດ້ຊ່ອຍເຫຼືອຄອບຄົວກຳມະກອນທຸກຍາກ 71 ລ້ານຄອບຄົວ.
ນີ້ແມ່ນການແຈ້ງຂ່າວຂອງເວທີປາໃສສາກົນພາຍໃຕ້ຫົວຂໍ້ "ເສດຖະກິດໂລກາພິວັດກັບກຳມະບານປີ 2008" ທີ່ຈັດຂຶ້ນຢູ່ປັກກິ່ງໃນວັນທີ 7 ມັງກອນນີ້.
ເຈົ້າໜ້າທີ່ຂອງສະຫະພັນກຳມະບານແຫ່ງຊາດຈີນແຈ້ງວ່າ, ນັບແຕ່ກຳມະບານຈີນດຳເນີນກິດຈະກຳມອບຄວາມອົບອຸ່ນມາແຕ່ປີ 1992, ໄດ້ໄປຢ້ຽມຢາມວິສາຫະກິດທີ່ທຸກຍາກ 1 ລ້ານ 1 ແສນ 4 ໝື່ນແຫ່ງ, ແລະໄດ້ເຮັດໃຫ້ກຳມະກອນ 4 ລ້ານ 4 ແສນ 5 ໝື່ນຄອບຄົວຫຼຸດພົ້ນອອກຈາກຄວາມທຸກຍາກ.
ຜູ້ຮັບຜິດຊອບດັ່ງກ່າວກ່າວວ່າ, ປະຈຸບັນ, ທຸກນະຄອນໃນທົ່ວປະເທດແລະເມືອງ 80%ໄດ້ສ້າງສູນຊ່ອຍເຫຼືອກຳມະກອນທຸກຍາກ, ກາຍເປັນຕາໜ່າງຊ່ອຍເຫຼືອກຳມະກອນທຸກຍາກທີ່ປົກຄຸມທົ່ວປະເທດ, ໄດ້ໃຫ້ການຮັບປະກັນທີ່ແຂງແຮງເພື່ອຮັກສາສິດແລະຜົນປະໂຫຍດຂອງຜູ້ອອກແຮງງານ, ແບ່ງປັນໝາກຜົນຂອງການພັດທະນາເສດຖະກິດສັງຄົມໄດ້ດີກວ່າເກົ່າ.
|
|
|
