|
ຕາມຂ່າວCRI: ຕອນເຊົ້າຂອງວັນທີ 8 ມັງກອນນີ້, ນາງພົດຈະມານ ຊິນນະວັດ ພັນລະຍາຂອງທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທໄດ້ເດີນທາງກັບຄືນປະເທດໄທແລ້ວ, ເພື່ອຕໍ່ສູ້ຄະດີທີ່ຖືກກ່າວຟ້ອງທາງອາຍາ.
ມື້ດຽວກັນ, ທີ່ປຶກສາດ້ານກົດໝາຍຂອງທ່ານທັກສິນ ຊິນນະວັດກ່າວວ່າ, ເນື່ອງຈາກການເລືອກຕັ້ງທົ່ວໄປຂອງໄທໄດ້ສຳເລັດລົງຢ່າງສະດວກ, ໄທກໍເລີ່ມຟື້ນຟູລະບອບປະຊາທິປະໄຕ, ສະນັ້ນ ນາງພົດຈະມານ ຊິນນະວັດກັບຄືນໄທເທື່ອນີ້ ຈະຕໍ່ສູ້ການກ່າວຟ້ອງທາງອາຍາ. ຂະນະດຽວກັນ, ທີ່ປຶກສາຜູ້ນີ້ຍັງກ່າວວ່າ, ທ່ານທັກສິນ ຊິນນະວັດກໍຈະກັບຄືນປະເທດໄທໃນເດືອນເມສາປີນີ້, ເພື່ອຕໍ່ສູ້ຄະດີທີ່ຖືກກ່າວຫາ. ນີ້ແມ່ນຕະກຸນຊິນນະວັດຕົກລົງຈະຕໍ່ສູ້ການກ່າວຟ້ອງຕາມລະບຽບກົດໝາຍເປັນຄັ້ງທຳອິດ ນັບແຕ່ໄທເກີດການລັດຖະປະຫານເມື່ອປີກາຍເປັນຕົ້ນມາ.
|
