ຕາມ​ຂ່າວ CRI: ວັນ​ທີ 8 ມັງກອນ​ນີ້ ຢູ່​ທີ່​ປັກ​ກິ່ງ, ທ່ານ​ກ່າວ​ຫົງ​ປິ່ນ ລັດຖະມົນ​ຕີ​ຊ່ວຍ​ວ່າ​ການ​ກະຊວງ​ກະສິກຳ​ຈີນ​ກ່າວ​ວ່າ, ລັດຖະບານ​ຈີນ​ຈະ​ພະຍາຍາມ​ຄວບ​ຄຸມ​ລາຄາ​ຜະ​ລິດ​ຕະ​ພັນ​ກະ​ສິ​ກຳ​ໃຫ້​ຢູ່​ໃນລະດັບ​ທີ່ໝັ້ນທ່ຽງ.

​ໃນການ​ຖະ​ແຫຼ​ງຂ່າວ​ທີ່​ຈັດ​ໂດຍຫ້ອງ​ວ່າການຖະ​ແຫຼ​ງຂ່າວ​ລັດຖະບານ​ຈີນ​ໃນ​ມື້​ດຽວ​ກັນ, ທ່ານ​ກ່າວ​ຫົງ​ປິ່ນ​ກ່າວ​ວ່າ, ຈີນ​ຈະ​ພັດທະນາ​ການ​ຜະລິດ​ຜົນ​ດ້ານກະ​ສິກຳ, ​ເປີດ​ກວ້າງ​ການ​ສະ​ໜອງຜະລິດ​ຕະພັນ​ກະສິກຳ, ຮັກສາ​ລາຄາໃຫ້​​​ໝັ້ນທ່ຽງ. ລັດ​ຖະ​ບານ​ຈີນ​ໄດ້​ວາງ​ນະ​ໂຍ​ບາຍ​ຕ່າງໆ ​ເພື່ອ​ອຸດ​ໜູນ​ການ​ລ້ຽງ​ໝູ ການ​ຜະລິດ​ທັນ​ຍາ​ຫານ ​ແລະ​ນ້ຳມັນ​ພືດ, ກະ​ຊວງ​ກະ​ສິ​ກຳ​ຈະ​ສືບ​ຕໍ່​ໃຊ້​ມາດ​ຕະການ​ອັນ​ແຂງ​ແຮງ, ສະໜັບສະໜູນ​ການ​ຜະ​ລິດ​ຜະ​ລິດ​ຕະ​ພັນ​ກະ​ສິ​ກຳ​ທີ່​ສຳ​ຄັນ ​ເຊັ່ນ ສະບຽງ​ອາຫານ ນ້ຳມັນ​ພືດ ​ການ​ລ້ຽງ​ໝູ ແລະ​ອື່ນໆ. ທ່ານ​ກ່າວ​ວ່າ, ຈີນ​ຈະ​ພະຍາຍາມ​​ເຮັດໃຫ້​ຜົນ​ຜະລິດ​ທັນ​ຍາ​ຫານ​ຂອງປີ​ນີ້ ສືບ​ຕໍ່​ມີ​ເຖິງ 500 ລ້ານ​ໂຕນ​ຂຶ້ນ​ໄປ, ​ເພື່ອ​ຮັບ​ປະ​ກັນ​ການ​ສະໜອງ​ຜະລິດ​ຕະພັນ​ກະສິກຳ​ຊະ​ນິດ​ຕ່າງໆ​ໃຫ້​ພຽງ​ພໍ.