ຕາມ​ຂ່າວ CRI: ວັນ​ທີ 9 ມັງກອນ​ນີ້ ຢູ່​ທີ່​ປັກ​ກິ່ງ, ທ່ານ​ຖາວ​ເຕີ​ຖຽນ ​ໂຄສົກ​ຖະ​ແຫຼງ​ຂ່າວ​ຂອງ​ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​ກ່າວ​ວ່າ, ບໍລິສັດຕ່າງ​ຊາດ​ຢູ່​ຈີນ​ຕ້ອງ​ຍົກ​ສູງ​ຄວາມ​ສາມາດ​ໂຄລົບ​ກົດ​ໝາຍວ່າ​ດ້ວຍ​ສິ່ງ​ແວດ​ລ້ອມ.

​ທ່ານ​ຖາວ​ເຕີ​ຖຽນ​​ໃຫ້​ທັດສະນະ​ດັ່ງກ່າວ ​ໃນ​ເວລາ​ແຈ້ງ​ສະພາບ​ການ​ຕິດ​ຕາມ​ກວດ​ກາ​ການ​ກະທຳ​ຜິດ​ກົດໝາຍ​ສິ່ງ​ແວດ​ລ້ອມ​ຂອງ 130 ບໍລິສັດ​ຕ່າງ​ຊາດ​ຕໍ່​ສື່​ມວນ​ຊົນ. ນັບ​ແຕ່​ເດືອນ​ພະ​ຈິກ​ປີ​ກາຍ​ເປັນຕົ້ນມາ, ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​ໄດ້​ຕິດ​ຕາມ​ກວດ​ກາ​ບໍ​ລິ​ສັດ​ຕ່າງ​ຊາດ​ທີ່​ມີ​ການກະທຳ​ຜິດ​ກົດໝາຍ​ສິ່ງ​ແວດ​ລ້ອມ​ນັບ​ແຕ່​ປີ 2004 ຫາ​ປີ 2007. ບໍ​ລິ​ສັດ​ຕ່າງຊາດ​ເຫຼົ່າ​ນີ້ ສ່ວນ​ຫຼາຍ​ແມ່ນ​ມາ​ຈາກ​ປະ​ເທດ​ທີ່ພັດທະນາ​ແລ້ວ ​ເຊັ່ນ ​ເອີ​ລົບ ອາ​ເມ​ລິ​ກາ​ແລະ​ຍີ່ປຸ່ນ, ​ໃນ​ນັ້ນມີ​ຫຼາຍ​ບໍລິສັດ​ແມ່ນ​ຢູ່​ໃນ​ຖັນ​​ແຖວ 500 ບໍ​ລິ​ສັດ​ທີ່​ມີ​ຊື່​ສຽງ​ທີ່​ສຸດ​ຂອງ​ໂລກ. ຜ່ານ​ການ​ຕິດຕາມກວດກາ, ບໍລິສັດ​ເຫຼົ່າ​ນີ້​ໄດ້​ຖືກ​ປັບ​ໄໝ​ຕາມ​ຄວາມ​ເໝາະ​ສົມ.

ທ່ານ​ຖາວ​ເຕີ​ຖຽນກ່າວ​ວ່າ, ຄວາ​ມຮັບຜິດຊອບ​ໃນ​ການ​ອະນຸລັກ​ສິ່ງ​ແວດ​ລ້ອມ, ບໍ່​ພຽງ​ແຕ່​ຕ້ອງ​ການ​ໃຫ້​ບໍລິສັດ​ຈີນ​ປະຕິບັດ​ເທົ່າ​ນັ້ນ, ​ບໍລິສັດ​ຕ່າງຊາດ​ກໍ​ຕ້ອງ​ໄດ້​ປະ​ຕິ​ບັດ​ເຊັ່ນ​ກັນ.