|
ຕາມຂ່າວສານຊິນຮວາ: ນັບແຕ່ວັນທີ 1 ມິຖຸນາ 2008 ເປັນຕົ້ນໄປ, ຈີນຈະມີລະບຽບການໃໝ່ ຄືຫ້າມບໍ່ໃຫ້ສະຖານທີ່ຂາຍຍ່ອຍສິນຄ້າແຫ່ງ ເຊັ່ນ ຊຸບເປີມາເກັດ ຮ້ານຄ້າ ແລະຕະຫຼາດ ສະໜອງຖົງພຼາສະຕິກໃຫ້ລູກຄ້າລ້າ.
ຕາມເວັບໄຊລັດຖະບານຈີນລາຍງານວ່າ, ຫ້ອງວ່າການລັດຖະບານໄດ້ປະກາດ "ແຈ້ງການກ່ຽວກັບການຈຳກັດການຜະລິດ ຈຳໜ່າຍແລະນຳໃຊ້ຖົງພຼາສະຕິກຊື້ເຄື່ອງ", ແຈ້ງການຂຽນວ່າ, ເນື່ອງຈາກຖົງພຼາສະຕິກໄດ້ກາຍເປັນແຫຼ່ງເສື່ອມພິດສີຂາວແລ້ວ, ໃນຕໍ່ໜ້າ ອົງການປົກຄອງທ້ອງຖິ່ນຕ່າງໆ ກະຊວງ ແລະຄະນະກຳມະການທຽບເທົ່າ ຄວນເກືອດຫ້າມການຜະລິດ ຈຳໜ່າຍ ແລະນຳໃຊ້ຖົງພຼາສະຕິກຊື້ເຄື່ອງ ແລະຈະກຳນົດບໍ່ໃຫ້ແຈກຢາຍຖົງພຼາສະຕິກໃຫ້ລູກຄ້າໂດຍບໍ່ຈ່າຍເງິນ.
ແຕ່ລະປີ ຜູ້ບໍລິໂພກຂອງຈີນໃຊ້ຖົງພຼາສະຕິກຊື້ເຄື່ອງຢ່າງຫຼວງຫຼາຍ, ມັນສ້າງຄວາມສະດວກໃຫ້ແກ່ຜູ້ບໍລິໂພກ, ແຕ່ພ້ອມກັນນັ້ນ, ຍ້ອນໃຊ້ຖົງພຼາສະຕິກຫຼາຍເກີນໄປ ແລະເກັບຄືນເພື່ອນຳໃຊ້ຄືນໃໝ່ເຮັດບໍ່ໄດ້ດີ, ຈຶ່ງພາໃຫ້ສິ້ນເປືອງຊັບພະຍາກອນພະລັງງານ ທັງເກີດການເສື່ອມພິດຕໍ່ສິ່ງແວດລ້ອມຢ່າງໜັກໜ່ວງ.
|
