|
ບົດລາຍງານຂອງທະນາຄານໂລກກ່າວວ່າປີນີ້ເສດຖະກິດໂລກຈະເຕີບໂຕຊ້າລົງ
cri
ຕາມຂ່າວສານຊີນຮວາ:ບົດລາຍງານເບິ່ງເສດຖະກິດທົ່ວໂລກປີ 2008 ທີ່ທະນາຄານໂລກເຜີຍແຜ່ໃນວັນທີ 9 ມັງກອນນີ້ເຫັນວ່າ, ໂດຍໄດ້ຮັບຜົນສະທ້ອນຈາກເສດຖະກິດຂອງປະເທດທີ່ພັດທະນາເຊັ່ນອາເມລິກາເປັນຕົ້ນເຕີບໂຕຊ້າລົງ,ເສດຖະກິດດໂລກກໍ່ຈະເຕີບໂຕຊ້າລົງຄືກັນ, ຄາດວ່າປີ 2007 ອັດຕາເຕີບໂຕຂອງເສດຖະກິດໂລກແມ່ນ 3,6%, ສ່ວນປີ 2008 ຈະຫລຸດລົງເຖີງ 3,3%.
ບົດລາຍງານກ່າວວ່າ, ປີ 2007 ອັດຕາເຕີບໂຕຂອງເສດຖະກິດອາເມລິກາແມ່ນ 2,2%, ຄາດວ່າປີນີ້ມີແຕ່ 1,9%.ສ່ວນເສດຖະກິດຂອງຍີ່ປຸ່ນແລະເຂດໃຊ້ເງິນເອີໂລໃນປີກາຍແລະປີນີ້ລ້ວນແຕ່ຈະຕ່ຳກວ່າລະດັບໃນປີ 2006.
ບົດລາຍງານຍັງຊີ້ອອກວ່າ, ເສດຖະກິດຂອງປະເທດພວມພັດທະນາຍັງຈະຮັກສາທ່ວງທ່າເຕີບໂຕຢ່າງແຂງແຮງ.ບົດລາຍງານຄາດຄະເນວ່າ, ອັດຕາເຕີບໂຕຂອງເສດຖະກິດປະເທດພວມພັດທະນາໃນປີ 2007 ແມ່ນ 7,4%, ປີນີ້ຈະເປັນ 7,1%.ໃນບັນດາປະເທດພວມພັດທະນາ, ເສດຖະກິດຈີນແລະອິນເດຍສະແດງບົດບາດພົ້ນເດັ່ນກວ່າຫມູ່.ໃນນັ້ນ, ອັດຕາເຕີບໂຕຂອງເສດຖະກິດຈີນໃນປີກາຍແລະປີນີ້ຕ່າງຈະບັນລຸ 11,3% ແລະ 10,8%.
|
|
