|
ຕາມຂ່າວສານຊິນຮວາ: ເພື່ອຕອບຮັບນະໂຍບາຍຈຳກັດການໃຊ້ຖົງຢາງພຼາສະຕິກຊື້ເຄື່ອງທີ່ລັດຖະບານຈີນປະກາດ, , ວັນທີ 9 ມັງກອນນີ້, ຮ້ານຄ້າຈີນແລະຕ່າງປະເທດຢູ່ປັກກິ່ງພາກັນກ່າວວ່າ ຈະຕັ້ງໜ້າປະຕິບັດຕາມນະໂຍບາຍດັ່ງກ່າວ, ແລະຈະໃຊ້ວິທີການຕ່າງໆ ເພື່ອອຳນວຍຄວາມສະດວກໃຫ້ລູກຄ້າ.
ເຈົ້າໜ້າທີ່ຂອງຊຸບເປີມາເກັດວໍມາດ ຮ້ານສັບພະສິນຄ້າຫວາງຝູຈິງ ຊັບເປີມາເກັດຄາເຣຟໍແລະອື່ນໆ ກ່າວວ່າ, ນະໂຍບາຍທີ່ຈຳກັດການໃຊ້ຖົງຢາງພຼາສະຕິກຊື້ເຄື່ອງ ແມ່ນການສ້າງຜົນປະໂຫຍດໃຫ້ທົ່ວສັງຄົມ, ສະນັ້ນ ວິສາຫະກິດກໍມີຄວາມຮັບຜິດຊອບຕໍ່ສັງຄົມສ່ວນລວມຢ່າງຫຼີກລ້ຽງບໍ່ໄດ້ເຊັ່ນກັນ.
|
