|
|
(GMT+08:00)
2008-01-10 18:03:59
|
|
ທ່ານໂອເມີດກ່າວວ່າອິສລແອນຈະບໍ່ຢຸດຕິໂຄງການສ້າງຖີ່ນຖານໃຫມ່ຢູ່ເຢລູຊາເລັມຕາເວັນອອກ
cri
ຕາມຂ່າວ cri:ວັນທີ 9 ມັງກອນນີ້, ທ່ານໂອເມີດ ນາຍົກລັດຖະມົນຕີອິສລາແອນກ່າວວ່າ, ອິສລາແອນຈະບໍ່ຢຸດຕິໂຄງການສ້າງຖີ່ນຖານໃຫມ່ຢູ່ເຢລູຊາເລັມຕາເວັນອອກ.
ໃນເວລາເຈລະຈາກັບທ່ານບຸສ ປະທານາທິບໍດີອາເມລິກາທີ່ໄປຢ້ຽມຢາມໃນມື້ດຽວກັນ, ທ່ານໂອເມີດກ່າວວ່າ, ອິສລາແອນຈະບໍ່ຮັບເອົາຄວາມຮຽກຮ້ອງຂອງຝ່າຍອາເມລິກາທີ່ໃຫ້ເຊົາສ້າງຖີ່ນຖານໃຫມ່ຂອງຊາວຢິວຢູ່ເຢລູຊາເລັມຕາເວັນອອກ.
ໃນກອງປະຊຸມຖະແຫລງຂ່າວຫລັງການເຈລະຈາ,ທ່ານໂອເມີດຊີ້ອອກວ່າ, ທາດແທ້ຂອງບັນຫາຖານະຂອງເຢລູຊາເລັມແມ່ນຕ່າງກັນກັບບັນຫາສ້າງຖີ່ນຖານໃຫມ່ຢູ່ແຫ່ງອື່ນໆ.ອິສລາແອນບໍ່ຢາກປິດບັງການເຄື່ອນໄຫວ ໃນເຂດດັ່ງກ່າວ,ແລະມີແຜນຈະນຳເອົາບັນຫາທີ່ກ່ຽວຂ້ອງທຸກຢ່າງໄປປຶກສາຫາລືກັນໃນການເຈລະຈາລະຫວ່າງອິສລາແອນກັບປາເລັສຕິນໃນອະນາ ຄົດ.
ແຕ່ທ່ານບຸສກ່າວຢ້ຳວ່າ, ສັນຍາສັນຕິພາບອິສລາແອນແລະປາເລັສຕິນຕ້ອງລວມທັງເນື້ອໃນມ້າງຖີ່ນຖານທີ່ຜິດກົດຫມາຍທັງຫມົດ.
|
|
|