|
ຕາມຂ່າວສານຊິນຮວາ: ວັນທີ 11 ມັງກອນນີ້, ຂ່າວສານຊິນຮວາຂອງຈີນໄດ້ພິມບົດຄວາມ ໂດຍຂຽນວ່າ, ຈີນຈະຖືລະບົບເບິ່ງແຍງຜູ້ເຖົ້າຂັ້ນພື້ນຖານ ລະບົບການປິ່ນປົວຂັ້ນພື້ນຖານແລະລະບົບຮັບປະກັນຊີວິດການເປັນຢູ່ລະດັບຕ່ຳສຸດເປັນຈຸດໜັກ, ເລັ່ງລັດສ້າງລະບົບປະກັນສັງຄົມທີ່ຊາວຕົວເມືອງແລະຊົນນະບົດມີສ່ວນຮ່ວມ.
ບົດຄວາມຂຽນວ່າ, ບົດລາຍງານຂອງກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນຊີ້ອອກວ່າ, ຕ້ອງຖືການປະກັນໄພສັງຄົມ ການກອບກູ້ຊ່ວຍເຫຼືອສັງຄົມແລະສະຫວັດດີການສັງຄົມເປັນພື້ນຖານ, ຖືລະບົບເບິ່ງແຍງຜູ້ເຖົ້າຂັ້ນພື້ນຖານ ລະບົບການປິ່ນປົວຂັ້ນພື້ນຖານແລະລະບົບຮັບປະກັນຊີວິດການເປັນຢູ່ລະດັບຕ່ຳສຸດເປັນຈຸດໜັກ, ຖືການກຸສົນ ການປະກັນໄພລັກສະນະການຄ້າເປັນອັນສຳຮອງ, ເລັ່ງລັດປັບປຸງລະບົບປະກັນສັງຄົມ.
ບົດຄວາມຂຽນວ່າ, ນະໂຍບາຍດັ່ງກ່າວໄດ້ສະເໜີອອກໂດຍຖືສະພາບຕົວຈິງແຫ່ງຊາດຂອງຈີນທີ່ຍັງຢູ່ໃນໄລຍະຕົ້ນຂອງສັງຄົມນິຍົມເປັນບ່ອນອີງ, ຕາມຄວາມຮຽກຮ້ອງຕ້ອງການທີ່ "ລະບົບປະກັນສັງຄົມທີ່ຊາວຕົວເມືອງແລະຊົນນະບົດມີສ່ວນຮ່ວມໄດ້ຮັບການສ້າງຕັ້ງຂຶ້ນໂດຍພື້ນຖານ ທຸກໆຄົນກໍມີຄວາມຮັບປະກັນຊີວິດການເປັນຢູ່ຂັ້ນພື້ນຖານ", ແລະບົນພື້ນຖານການວິເຄາະສະພາບຄວາມຄືບໜ້າຂອງການກໍ່ສ້າງລະບົບປະກັນສັງຄົມໃນປັດຈຸບັນແລະໃນໄລຍະຕໍ່ໜ້ານີ້ ຢ່າງວິທະຍາສາດ.
|
