|
|
 |
| (GMT+08:00)
2008-01-14 12:59:51
|
|
ທາງລົດໄຟຄວາມໄວສູງປັກກິ່ງຊຽງໄຮ້ຈະເລີ່ມກໍ່ສ້າງໃນວັນທີ18ມັງກອນນີ້
cri
Author: shuo
ຕາມໜັງສືພິມຈິ່ງຮວາຊືປ້າວຂອງຈີນ:ວັນທີ13ມັງກອນນີ້,ກອງປະຊຸມວຽກງານທາງລົດໄຟຈີນທີ່ຈັດຂຶ້ນຢູ່ນະຄອນຫຼວງປັກກິ່ງແຈ້ງວ່າ,ທາງລົດໄຟຄວາມໄວສູງປັກກິ່ງຊຽງໄຮ້ຈະຈັດພິທີເລີ່ມກໍ່ສ້າງຢູ່ປັກກິ່ງໃນວັນທີ18ເດືອນນີ້ແລະຈະໃຊ້ເວລາກໍ່ສ້າງ5ປິ.
ທາງລົດໄຟຄວາມໄວສູງປັກກິ່ງຊຽງໄຮ້ຍາວທັງໝົດ1300ກວ່າກິໂລແມັດ,ແລ່ນດ້ວຍຄວາມໄວ300ຫາ350ກິໂລແມັດຕໍ່ຊົ່ວໂມງ,ແລ່ນຜ່ານນະຄອນຫຼວງປັກກິ່ງ ກຳແພງນະຄອນທຽນສິນ ກຳແພງນະຄອນຊຽງໄຮ້ ແຂວງເຫີໄປ ແຂວງຊ່ານຕົ່ງ ແຂວງອ່ານຮຸ່ຍແລະແຂວງຈ່ຽງຊູ່,ກຳແພງນະຄອນແລະແຂວງເຫຼົ່ານີ້ມີບົດບາດສຳຄັນໃນການພັດທະນາເສດຖະກິດຂອງຈີນ.
ຜູ້ຊ່ຽວຊານບອກໃຫ້ຮູ້ວ່າ,ພາຍຫຼັງທາງລົດໄຟຄວາມໄວສູງປັກກິ່ງຊຽງໄຮ້ສ້າງສຳເລັດ,ການເດີນທາງແຕ່ປັກກິ່ງຫາຊຽງໄຮ້ຈະໃຊ້ເວລາພຽງແຕ່5ຊົ່ວໂມງເທົ່ານັ້ນ,ຄາດວ່າ,ແຕ່ລະປີຈະຂົນສົ່ງຜູ້ໂດຍສານປະມານ160ລ້ານເທື່ອຄົນ.
|
|
|
