|
|
 |
| (GMT+08:00)
2008-01-15 17:08:25
|
 |
|
ຈີນສ້າງສາຍສຳພັນທາງການທູດກັບມາລາວີ
cri
ຕາມຂ່າວສານຊິ່ນຮວາ: ວັນທີ 14 ມັງກອນນີ້, ຢູ່ທີ່ປັກກິ່ງ, ກະຊວງການຕ່າງປະເທດຈີນປະກາດວ່າ, ນັບແຕ່ວັນທີ 28 ທັນວາປີ 2007 ເປັນຕົ້ນໄປ, ຈີນກັບມາລາວີຊຶ່ງເປັນປະເທດທີ່ຕັ້ງຢູ່ພາກຕາເວັນອອກສຽງໃຕ້ຂອງທະວີບອາຟຣິກາໄດ້ສ້າງສາຍສຳພັນທາງການທູດຮ່ວມກັນ.
ວັນທີ 28 ທັນວາປີ 2007, ທ່ານຢາງເຈຍຊຶ ລັດຖະມົນຕີວ່າການກະຊວງການຕ່າງປະເທດຈີນກັບ ທ່ານດາວິສ ຄາດຊົງກາ ຜູ້ຕາງໜ້າລັດຖະບານ, ລັດຖະມົນຕີວ່າການກະຊວງວຽກງານປະທານາທິບໍດີແລະລັດຖະສະພາຂອງມາລາວີ ໄດ້ຕາງໜ້າລັດຖະບານຂອງສອງປະເທດລົງນາມໃນປະກາດແຈ້ງການຮ່ວມຢູ່ປັກກິ່ງ.
ປະກາດແຈ້ງການຮ່ວມກ່າວວ່າ, ໂດຍອີງຕາມຜົນປະໂຫຍດແລະຄວາມປາຖະໜາຂອງປະຊາຊົນສອງປະເທດ, ລັດຖະບານສາທາລະນະລັດປະຊາຊົນຈີນແລະລັດຖະບານສາທາລະນະລັດມາລາວີຕົກລົງຮັບຮອງເຊິ່ງກັນແລະກັນແລະສ້າງສາຍສຳພັນທາງການທູດຂັ້ນເອກອັກຄະລັດຖະທູດແຕ່ວັນທີ 28 ທັນວາປີ 2007 ເປັນຕົ້ນໄປ.
ລັດຖະບານສາທາລະນະລັດປະຊາຊົນຈີນສະໜັບສະໜູນຄວາມພະຍາຍາມຂອງລັດຖະບານສາທາລະນະລັດມາລາວີເພື່ອຮັກສາອະທິປະໄຕຂອງປະເທດແລະພັດທະນາເສດຖະກິດ.
ລັດຖະບານສາທາລະນະລັດມາລາວີຮັບຮອງວ່າໃນທົ່ວໂລກມີແຕ່ປະເທດຈີນດຽວ, ລັດຖະບານສາທາລະນະລັດປະຊາຊົນຈີນແມ່ນລັດຖະບານດຽວທີ່ຕາງໜ້າທົ່ວປະເທດຈີນຢ່າງຖືກຕ້ອງຕາມກົດໝາຍ, ໄຕ້ຫວັນແມ່ນພາກສ່ວນໜຶ່ງທີ່ແຍກອອກຈາກຈີນບໍ່ໄດ້.
|
|
|
