ຕາມ​ຂ່າວສານ​ຊິນ​ຮວາ,​ວັນ​ທີ​15​ມັງ​ກອນ​ນີ້​ກົງ​ກັບ​ມື້​ອອກ​ໃໝ່​8​ຄ່ຳ​ເດືອນ​12​ຕາມ​ຈັນ​ທະ​ຄະ​ຕິ​ຈີນ,​ແມ່ນ​ບຸນ​ລ້າ​ປາ​ທີ່​ຈັດ​ຂຶ້ນ​ປີ​ລະ​ເທື່ອ.​ໃນ​ບຸນ​ນີ້,​ຄົນ​ຈີນ​ມີ​ປະ​ເພນີ​ກິນ​ເຂົ້າ​ປຽກ​ລ້າ​ປາ.

ວັນ​ທີ15​ມັງກອນ​ນີ້,ຢູ່​ໜ້າ​ປະຕູວັດ​ຫານ​ຊ່ານ​ເມືອງ​ຊູ​ໂຈ່​ວ,​ຄົນ​ຈີນ​ລຽນ​​ແຖວ​ຮັບ​ເອົາ​ເຂົ້າປຽກ​ລ້າ​ປາ​ທີ່​ວັດ​​ແຈກ​ໃຫ້.

ຜູ່​ຊ່ຽວຊານ​ຮີດຄອງປະ​ເພນີ​​ບອກ​ວ່າ,ບຸນ​ລ້າ​ປາ​ແມ່ນ​ບຸນ​ປະ​ເພນີ​ທີ່​ສຳ​ຄັນ​ຂອງ​ຈີນ.​ໃນ​ສະ​ໄໝ​ລາ​ຊະ​ວົງ​ນານ​ເປີ​ຍເມື່ອ1000​ກວ່າ​ປີ​ກ່ອນ,​ໄດ້​ກຳ​ນົດ​ເອົາ​ມື້​ອອກ​ໃໝ່​8​ຄ່ຳ​ເດືອນ​12 ​ຈັນ​ທະ​ຄະ​ຕິ​ເປັນ​ບຸນ​ລ້າ​ປາ,​ເພິ່ນ​ຖືໂອກາດ​ນີ້​ບູ​ຊາ​ບັນ​ພະ​ບູ​ລຸດ​ແລະ​ເທວະ​ດາ​ຟ້າ​ແຖນ,​ເພື່ອ​ວິ່ງ​ວອນ​ໃຫ້​ການ​ປູກ​ຝັງ​ໄດ້​ຜົນ​ເກັບ​ກ່ຽວ​ອຸ​ດົມ​ສົມ​ບູນ​ແລະ​ມີຄວາມ​ເປັນ​ສີ​ລິ​ມຸງ​ຄຸນ.​ນັບ​ແຕ່​ພຸດ​ທະ​ສາ​ສະ​ໜາ​ແຜ່​ເຂົ້າ​ສູ່​ຈີນ,​ວັດ​ວາ​ອາ​ຮາມ​ຕ່າງໆ​ລ້ວນ​ແຕ່​ໄດ້​ເອົາ​ເຂົ້າ​ແລະ​ໝາກ​ໄມ້​ຕ່າງໆ​ມາ​ຕົ້ມ​ເຂົ້າ​ປຽກ​ເພື່ອ​ເຄນ​ໃຫ້​ຄູບາ​ແລະ​ແຈກ​ໃຫ້​ຍາດ​ໂຍມ​ທັງ​ຫຼາຍ.​ຕາມ​ເວົ້າ​ວ່າ,​ເມື່ອ​ກິນ​ເຂົ້າ​ປຽກ​ ນີ້​ແລ້ວ​ຈະ​ໄດ້​ຮັບ​ການ​ຄຸ້ມ​ຄອງ​ຮັກ​ສາ​ຈາກ​ພະ​ພຸດ​ທະ​ເຈົ້າ,​ສະ​ນັ້ນ,​ເຂົ້າ​ປຽກ​ລ້າ​ປາ​ກໍ​ ເອີ້ນ​ເປັນ​ເຂົ້າ​ປຽກ​ແຫ່ງ​ຄວາມ​ສີ​ລິ​ມຸງ​ຄຸນ​ແລະ​ເຂົ້າ​ປຽກ​ພະ.

ວັນ​ທີ​15​ມັງ​ກອນ​ນີ້,​ຢູ່​ວັດ​ຢົ່ງ​ເຮີ​ຂອງ​ປັກ​ກິ່ງ,​ຄູ​ບາ​ແຈກ​ເຂົ້າ​ປຽກ​ລ້າ​ປາ​ໃຫ້​ຍາດ​ໂຍມ​ທາງ​ຫຼາຍ.