ຕາມ​ຂ່າວ CRI: ຕອນ​ເຊົ້າວັນ​ທີ 15 ມັງກອນ​ນີ້ ຢູ່​ຈັງຫວັດ​ຍະ​ລາ ທາງ​ພາກ​ໃຕ້​ຂອງ​ໄທ ​ໄດ້​ເກີດ​ເຫດການ​ລະ​ເບີດ, ມີ 37 ຄົນ​ບາດ​ເຈັບ.

ຂ່າວ​ແຈ້ງອີກວ່າ, ຕອນ​ເຊົ້າມື້​ດຽວ​ກັນ, ລົດຈັກ​ຄັນ​ໜຶ່ງ​ທີ່​ມີ​ລູກລະ​ເບີດວາງ​ໄວ້ ​ໄດ້​ລະ​ເບີດ​ຢູ່​ຕະຫຼາດ​ແຫ່ງ​ໜຶ່ງ​​ໃນ​ໃຈກາງເມືອງ​ຂອງຈັງຫວັດຍະ​ລາ, ​ໃນ​ຂະນະ​ທີ່ຜູ້ຄົນ​ພວມ​ຊື້​ເຄື່ອງ​ຢູ່. ມີ 37 ຄົນ​ບາດ​ເຈັບ​ໃນ​ເຫດການ​ລະ​ເບີດ, ​ໃນ​ນັ້ນມີ​ເດັກນ້ອຍ​ອາຍຸ 3 ຂວບຜູ້​ໜຶ່ງ​, 6 ຄົນ​ບາດ​ເຈັບ​ສາຫັດ.

ກ່ອນ​ນີ້​ມື້ໜຶ່ງ, ​ທະຫານ​ລາດຕະ​ເວນ​ຂອງ​ໄທ​ກອງ​ໜຶ່ງ​ຖືກ​ກຸ່ມປະກອບ​ອາວຸດ​ຫຼອນ​ໂຈມ​ຕີ​ຢູ່​ຈັງຫວັດ​ຍະ​ລາ, ມີທະຫານ 8 ຄົນ​ເສຍ​ຊີວິດ.