ປາເລັສຕິນກັບອິສຣາແອນຕົກລົງຈະດຳເນີນການເປິກສາຫາລືກ່ຽວກັບບັນຫາໃຈກາງຂອງຄວາມຂັດແຍ່ງລະຫວ່າງປາເລັສຕິນກັບອິສຕາແອນເປັນປົກກະຕິ
cri
Author: m
ຕາມຂ່າວສານຊິ່ນຮວາ: ວັນທີ 14 ມັງກອນນີ້, ທ່ານຊີພີ ລິຟນີ ລັດຖະມົນຕີວ່າການກະຊວງການຕ່າງປະເທດອິສຣາແອນກັບທ່ານອາຮເມັດ ຄູເລ ອະດີດນາຍົກລັດຖະມົນຕີປາເລັສຕິນດຳເນີນການເຈລະຈາຢູ່ເຢລຸຊະເລມ, ຫາລືບັນຫາໃຈກາງຂອງຄວາມຂັດແຍ່ງກັນລະຫວ່າງອິສຣາແອນກັບປາເລັສຕິນຕ່າງໆ, ເຊັ່ນ: ຖານະຂອງເຢລຸຊະເລມ, ຊາວອົບພະຍົບຂອງປາເລັສຕິນກັບຄືນຖິ່ນຖານແລະຊາຍແດນຂອງປາເລັສຕິນໃນອະນາຄົດເປັນຕົ້ນ. ນີ້ແມ່ນການຈລະຈາລະຫວ່າງສອງຝ່າຍທີ່ເວົ້າເຖິງບັນຫາໃຈກາງຂອງຄວາມຂັດແຍ່ງກັນລະຫວ່າງສອງຝ່າຍເປັນເທື່ອທຳອິດຫຼັງຈາກອິສຣາແອນກັບປາເລັສຕິນໄດ້ຟື້ນຟູການເຈລະຈາສັນຕິພາບຄືນໃໝ່ໃນເດືອນທັນວາປີກາຍນີ້ເປັນຕົ້ນມາ.
ການເຈລະຈາດັ່ງກ່າວດຳເນີນເປັນເວລາ 2 ຊົ່ວໂມງ, ຫຼັງຈາກການເຈລະຈາ, ທ່ານລິຟນີກັບທ່ານຄູເລ ກ່າວວ່າ, ຕໍ່ໄປ, ສອງຝ່າຍຈະພະຍາຍາມໃຫ້ຈັດການເຈລະຈາອາທິດລະເທື່ອ, ແລະເພື່ອຮັບປະກັນໃຫ້ການສົນທະນາບໍ່ຖືກລົບກວນ, ສອງຝ່າຍຈະພະຍາຍາມຫຼີກເວັ້ນບໍ່ໃຫ້ເປີດເຜີຍລາຍລະອຽດກ່ຽວກັບການເຈລະຈາໃຫ້ສື່ມວນຊົນຊາບ.
|
|