|
|
 |
| (GMT+08:00)
2008-01-16 12:42:48
|
|
ໄທປະກາດຕໍ່ເວລາການປະກາດພາວະສຸກເສີນໃນ 3ຈັງຫວັດພາກໃຕ້
cri
Author: ping
ຕາມຂ່າວສານຊີນຮວາ: ກອງປະຊຸມຄະນະລັດຖະມົນຕີໄທອະນຸມັດໃນວັນທີ 15ມັງກອນນີ້ວ່າ: "ກົດບໍລິຫານຄຸ້ມຄອງໃຕ້ສະພາວະສຸກເສີນ" ທີ່ປະຕິບັດຢູ່ 3ຈັງຫວັດພາກໃຕ້ຂອງໄທໃນປະຈຸບັນຄື: : ນະລາທິວາດ, ປັດຕານີ ແລະຢະລາໄດ້ປະກາດຕໍ່ເວລາໄປອີກ 3ເດືອນ, ເພື່ອເປັນການເພີ່ມການຕິດຕາມ ແລະໄລ່ຈັບກຸ່ມປະກອບອາວຸດໃນ 3ຈັງຫວັດນັ້ນ。
ຕາມກຳນົດການໃນການປະກາດໃຊ້ສະພາວະສຸກເສີນໃນເຂດເຫລົ່ານັ້ນ, ລັດຖະບານມີສິດດຳເນີນມາດຕະການສຸກເສີນຕ່າງໆ ລວມທັງຫ້າມອອກນອກເຮືອນໃນຍາມກາງຄືນ, ຫ້າມຊຸມນຸມກັນຢ່າງຂະໜາດໃຫຍ່, ລັກຟັງທາງໂທລະສັບ, ອັດຖະໜົນ ເປັນຕົ້ນ.ຕາມສະຖິຕິຂອງເຈົ້າໜ້າທີ່ໄທ ນັບແຕ່ຕົ້ນປີ 2004 ທີ່ກຸ່ມປະກອບອາວຸດໃນພາກໃຕ້ຂອງໄທໄດ້ປຸ້ນສາງອາວຸດຂອງລັດຖະບານ ເຫດການຮຸນແຮງທີ່ເກີດຂຶ້ນຫລາຍປີລຽນຕິດ ໄດ້ເຮັດໃຫ້ 2800ຄົນເສຍຊີວິດ ແລະຫລາຍພັນຄົນບາດເຈັບ。
|
|
|
