|
ອາເມລິກາກ່າວວ່າ, ເຈົ້າໜ້າທີ່ໄຕ້ຫວັນຈັດ "ການຢັ່ງປະຊາມະຕິ" ເພື່ອເຂົ້າເປັນສະມາຊິກສະຫະປະຊາຊາດແມ່ນຜິດພາດທັງເປັນການທ້າທາຍເກາະຜິດ
cri
ຕາມຂ່າວສານຊິ່ນຮວາ: ວັນທີ 17 ມັງກອນນີ້, ໃນກອງປະຊຸມຂ່າວທີ່ຈັດຂຶ້ນຢູ່ສະຖານທູດອາເມລິກາປະຈຳຈີນ, ທ່ານຈອນ ດີ ເນໂກຼພອນທ໌ ລັດຖະມົນຕີຊ່ອຍວ່າການປະຈຳກະຊວງການຕ່າງປະເທດອາເມລິກາປະຈຳກ່າວຢ່າງຈະແຈ້ງວ່າ, ການຈັດ "ການຢັ່ງປະຊາມະຕິ" ເພື່ອເຂົ້າເປັນສະມາຊິກສະຫະປະຊາຊາດແມ່ນຜິດ, ແມ່ນນະໂຍບາຍທ້າທາຍກໍ່ເກາະຜິດຂອງເຈົ້າໜ້າທີ່ໄຕ້ຫວັນ.
ທ່ານເນໂກຼພອນທ໌ກ່າວວ່າ, ນາງໂຄນໂດລິຊາ ໄລສ ລັດຖະມົນຕີການຕ່າງປະເທດອາເມລິກາກໍ່ເຄີຍສະແດງທັດສະນະດັ່ງກ່າວໃນເດືອນທັນວາປີກາຍນີ້ແລ້ວ. ເທື່ອນີ້, ທ່ານແມ່ນກ່າວຢ້ຳທັດສະນະດັ່ງກ່າວອີກ. ທ່ານຍັງກ່າວຢ້ຳວ່າ, ປະກາດແຈ້ງການຮ່ວມ 3 ສະບັບລະຫວ່າງອາເມລິກາກັບຈີນແມ່ນພື້ນຖານຂອງນະໂຍບາຍຕໍ່ຈີນຂອງອາເມລິກາ, ຝ່າຍອາເມລິກາຍຶດໝັ້ນເຄົາລົບປະກາດແຈ້ງການຮ່ວມ 3 ສະບັບ.
ທ່ານເນໂກຼພອນທ໌ກ່າວວ່າ, ປະຈຸບັນ, ອາເມລິກາກັບຈີນໄດ້ດຳເນີນການຮ່ວມມືໃນຫຼາຍຂົງເຂດເຊິ່ງລວມທັງການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີແລະບັນຫາດາຟູຊູດັງເປັນຕົ້ນ. ອາເມລິກາກັບຈີນແມ່ນຄູ່ຮ່ວມມືໃນສາກົນ, ຖ້າສອງຝ່າຍຮ່ວມມືກັນ, ທົ່ວລະບົບສາກົນກໍ່ຈະໄດ້ຮັບຜົນປະໂຫຍດ.
|
|
