ຕາມ​ຂ່າວ CRI: ວັນ​ທີ 18 ມັງກອນ​ນີ້ ຢູ່​ທີ່​ປັກ​ກິ່ງ, ທ່ານ​ນາງ​ກູ້​ຊິ້ວລຽນ ຮອງ​ປະ​ທານ​ສະ​ພາ​ປະຊາຊົນ​ແຫ່ງຊາດຈີນກ່າວວ່າ,​ຈີນຈະສ້າງກົດໝາຍທີ່ກ່ຽວຂ້ອງໂດຍໄວ ​ເພື່ອ​ສະ​ໜັບ​ສະ​ໜູນ​ການ​ກ່າວ​ຟ້ອງ​ຄະດີ​ສາທາລະນະ​ປະ​ໂຫຍ​ດດ້ານ​ສິ່ງ​ແວດ​ລ້ອມ.

ທ່ານ​ນາງ​ກູ້ຊິ້ວລຽນ​ກ່າວ​ວ່າ, ການ​ພັດທະນາ​ວຽກ​ງານ​ອະນຸລັກ​ສິ່ງ​ແວດລ້ອມ, ບໍ່​ພຽງ​ແຕ່​ຕ້ອງ​ການ​ຍົກ​ສະຕິ​ອະນຸລັກ​ສິ່ງ​ແວດ​ລ້ອມ​ຂອງ​ປະຊາຊົນ​ໃຫ້​ສູງ​ຂຶ້ນ ​ເພີ່ມ​ການ​ລົງ​ທຶນ​ເຂົ້າ​ໃນ​ການ​ອະ​ນຸລັກສິ່ງ​ແວດ​ລ້ອມ​ທໍ່​ນັ້ນ, ​ແຕ່​ຍັງ​ຕ້ອງ​ການປັບປຸງ​ກົດ​ໝາຍ​ທີ່​ກ່ຽວ​ຂ້ອງ​ໃຫ້​ສົມບູນ​ອີກ​ດ້ວຍ.

ການ​ກ່າວ​ຟ້ອງ​ຄະດີ​ສາທາລະນະ​ປະ​ໂຫຍ​ດດ້ານ​ສິ່ງ​ແວດ​ລ້ອມ​ໝາຍ​ຄວາມ​ວ່າ ສິ່ງ​ແວດ​ລ້ອມ​ໃນ​ຖານະ​ເປັນສາທາລະນະປະ​ໂຫຍ​ດ ​ໃນ​ເວລາ​ຖືກ​ມົນ​ລະ​ພິດ ຫຼື​ມີ​ຄວາມ​ອັນ​ຕະ​ລາຍ​ທີ່​ຈະ​ຖືກ​ມົນ​ລະ​ພິດ​ນັ້ນ, ກົດໝາຍ​ອະນຸຍາດ​ໃຫ້​ພົນລະ​ເມືອງ​ຫຼື​ໝູ່​ຄະ​ນະ​ ກ່າວ​ຟ້ອງ​ຕໍ່​ສານ​ເພື່ອ​ປົກ​ປ້ອງ​ສາທາລະນະ​ປະ​ໂຫຍ​ດ.