|
|
 |
| (GMT+08:00)
2008-01-21 15:00:59
|
 |
|
ປັກກິ່ງຈະປ້ອງກັນບໍ່ໃຫ້ລາຄາສິນຄ້າແລະການບໍລິການທີ່ກ່ຽວຂ້ອງ ແພງຂຶ້ນຢ່າງວ່ອງໄວໃນໄລຍະຈັດງານກິລາໂອລິມປິກ
cri
ຕາມຂ່າວຈາກຫນັງສືພິມເຢີນມິນຢື້ປ້າວສະບັບຕໍ່ຕ່າງປະເທດ:ວັນທີ 20 ມັງກອນນີ້ ທ່ານໂກຈິນລົງ ຜູ່ວ່າການແທນເຈົ້າຄອງນະຄອນຫລວງປັກກິ່ງກ່າວວ່າ, ນະຄອນປັກກິ່ງຈະນຳໃຊ້ວິທີຊີ້ນຳໂດຍແບ່ງເປັນປະເພດ,ປ້ອງກັນບໍ່ໃຫ້ລາຄາສິນຄ້າແລະການບໍລິການຕ່າງໆແພງຂຶ້ນຢ່າງວ່ອງໄວໃນໄລຍະຈັດງານກິລາໂອລິມປິກ.
ໃນກອງປະຊຸມສະພາຜູ່ແທນປະຊາຊົນນະຄອນຫລວງປັກກິ່ງ, ທ່ານໂກຈິນລົງກ່າວວ່າ, ນະຄອນຫລວງປັກກິ່ງຈະເອົາໃຈໃສ່ໃນລະດັບສູງແລະເຮັດວຽກໃຫ້ລາຄາສິນຄ້າທີ່ໃຊ້ປະຈຳວັນຂອງປະຊາຊົນຫມັ້ນທ່ຽງ.ເພີ່ມທະວີການແລກປ່ຽນແລະຮ່ວມມືກັບພາກສ່ວນສະຫນອງສິນຄ້າ, ເຮັດວຽກການຜະລິດ ຂົນສົ່ງແລະຈຳຫນ່າຍສິນຄ້າເຊື່ອມຕໍ່ກັໃຫ້ດີ,ແລະສິນຄ້າທີ່ສຳຄັນກໍ່ຕ້ອງມີແຮໄວ້,ຮັບປະກັນໃຫ້ສິນຄ້າໃຊ້ປະຈຳວັນມີປ້ອນຕະຫລາດຢ່າງພຽງພໍ.ຄວບຄຸມການວາງລາຄາສິນຄ້າແລະການດັດສົມລາຄາຊີ້ນຳຂອງລັດຖະບານ,ໃນເວລາຈຳເປັນ,ຈະໃຊ້ມາດຕະການແຊກແຊງລາຄາຊົ່ວຄາວຕໍ່ເຄື່ອງໃຊ້ປະຈຳວັນແລະການບໍລິການພື້ນຖານທີ່ສຳຄັນຂອງຊາວເມືອງ.
ທ່ານໂກຈີນລົງຍັງກ່າວວ່າ, ໃນຕໍ່ຫນ້ານີ້ ນະຄອນຫລວງປັກກິ່ງຈະວາງແຜນການຮັບປະກັນຄົມມະນາຄົມໃນໄລຍະຈັດງານກິລາໂອລິມປິກໃຫ້ສົມບູນຂຶ້ນຕື່ມ, ໃນໄລຍະດັ່ງກ່າວ, ນະຄອນຫລວງປັກກິ່ງຈະເຮັດໃຫ້ຄົມມະນາຄົມທີ່ຈັດເພື່ອການແຂ່ງຂັນໂດຍສະເພາະກັບຄົມມະນາຄົມຮັບໃຊ້ສັງຄົມປົກກະຕິເຮັດວຽກຢ່າງກົມກຽວກັນ.
|
|
|
