|
ການເຈລະຈາເທື່ອທຳອິດລະຫວ່າງສ.ເກົາຫຼີກັບສ.ປ.ປເກົາຫຼີໃນປີນີ້ຖືກເລື່ອນ
cri
ຕາມຂ່າວ CRI: ວັນທີ 21 ມັງກອນນີ້, ກະຊວງທ້ອນໂຮມປະເທດເປັນເອກະພາບສ.ເກົາຫຼີກ່າວວ່າ, ຍ້ອນມີວຽກຫຼາຍໂພດ, ສ.ປ.ປເກົາຫຼີສະເໜີໃຫ້ເລື່ອນເວລາຈັດການເຈລະຈາເທື່ອທຳອິດລະຫວ່າງສ.ເກົາຫຼີກັບສ.ປ.ປເກົາຫຼີໃນປີນີ້.
ຂ່າວສານຢົນຮັບສາທາລະນະລັດເກົາຫຼີແຈ້ງຂ່າວວ່າ, ກະຊວງທ້ອນໂຮມປະເທດເປັນເອກະພາບຂອງສ.ເກົາຫຼີກ່າວວ່າ, ສ.ປ.ປເກົາຫຼີໄດ້ໃຫ້ເຈົ້າໜ້າທີ່ປະສານງານທີ່ຢູ່ປັນມຸນຈອມແຈ້ງໃຫ້ຝ່າຍສ.ເກົາຫຼີຊາບວ່າ, ຍ້ອນປີໃໝ່ຫາກໍ່ວຽນມາເຖິງ, ມີຫຼາຍເລື່ອງຕ້ອງກະກຽມ, ສະນັ້ນຈຶ່ງສະເໜີໃຫ້ເລື່ອນເວລາຈັດກອງປະຊຸມເທື່ອນີ້.
ກ່ອນໜ້ານີ້, ສ.ເກົາຫຼີກັບສ.ປ.ປເກົາຫຼີຕົກລົງຈັດກອງປະຊຸມເຮັດວຽກຢູ່ຄາຊອງຂອງສ.ປ.ປເກົາຫຼີແຕ່ວັນທີ 22 ຫາວັນທີ 23 ມັງກອນນີ້, ເພື່ອຫາລືແຜນການຮ່ວມມືທາງລົດໄຟລະຫວ່າງສອງຝ່າຍ.
|
|
