|
|
 |
| (GMT+08:00)
2008-01-21 18:26:51
|
 |
|
ອະນາຄົດຂອງຈີນນັບມື້ນັບພົວພັນສະໜິດແໜ້ນກັບອະນາຄົດຂອງໂລກ
cri
Author: m
ຕາມຂ່າວສານຊິ່ນຮວາ: ວັນທີ 21 ມັງກອນນີ້, ຂ່າວສານຊິ່ນຮວາຂອງຈີນພິມບົດຄວາມຊີ້ອອກວ່າ, ອະນາຄົດຂອງຈີນນັບມື້ນັບພົວພັນສະໜິດແໜ້ນກັບອະນາຄົດຂອງໂລກ.
ບົດຄວາມຂຽນວ່າ, ການປະຕິຮູບແລະໄຂປະຕູສູ່ພາຍນອກໃນ 29 ປີມານີ້ໄດ້ເຮັດໃຫ້ຈີນສຳເລັດການຫັນປ່ຽນທີ່ມີລັກສະນະປະຫວັດສາດຈາກສະພາບການປິດປະຕູແລະປິດປະຕູເຄິ່ງໜຶ່ງຮອດການເປີດປະຕູສູ່ພາຍນອກຢ່າງຮອບດ້ານ.ໃນຊູ່ມື້ນີ້, ສັງຄົມຈີນເປີດປະຕູສູ່ພາຍນອກໃນຂະໜາດທີ່ບໍ່ເຄີຍມີມາກ່ອນ, ຂະໜາດທີ່ຈີນເຊື່ອມໂຍງແລະອາໄສເຊິ່ງກັນແລະກັນກັບໂລກພາຍນອກບໍ່ເຄີຍມີກ່ອນໃນປະຫວັດສາດ. ຕະຫຼາດອັນກວ້າງໃຫຍ່ຂອງຈີນໄດ້ອຳນວຍໂອກາດພັດທະນາໃຫ້ແກ່ໂລກ, ຈີນກໍ່ໄດ້ກາຍເປັນກຳລັງດັນອັນແຂງແຮງຂອງເສດຖະກິດໂລກ, ແລະສົ່ງຜົນສະທ້ອນນັບມື້ນັບສຳຄັນກວ່າເກົ່າໃຫ້ແກ່ການພັດທະນາຂອງເສດຖະກິດໂລກ.
ບົດຄວາມຊີ້ອອກວ່າ, ການປ່ຽນແປງອັນເລິກເຊິ່ງຂອງການພົວພັນລະຫວ່າງຈີນກັບໂລກ, ເຮັດໃຫ້ຈີນກາຍເປັນຈຸດສຸມອັນສຳຄັນທີ່ໂລກເອົາໃຈໃສ່ໃນປະຈຸບັນແລະໃນອະນາຄົດ. ສະພາບການຕົວຈິງດັ່ງກ່າວຮຽກຮ້ອງໃຫ້ຈີນຕ້ອງຊ່າງກຳໂອກາດພັດທະນາໃນການປ່ຽນແປງອັນເລິກເຊິ່ງຂອງສະພາບແວດລ້ອມສາກົນ, ຊ່າງເຮັດໃຫ້ສະພາບແວດລ້ອມທາງນອກດີຂຶ້ນໃນການພັດທະນາຢ່າງບໍ່ຢຸດຢັ້ງຂອງວຽກງານພາຍໃນ, ແລະຮັບປະກັນພາລະກິດສ້າງສັງຄົມນິຍົມທີ່ມີສີສັນພິເສດຂອງຈີນກ້າວໄປໜ້າຢ່າງສຳເລັດຜົນ.
|
|
|
