|
ຈີນຈະສືບຕໍ່ຄຸ້ມຄອງຢ່າງເຂັ້ມງວດແລະຕັດສິນລົງໂທດປະຫານຊີວິດຢ່າງລະມັດລະວັງ
cri
ຕາມຂ່າວສານຊິ່ນຮວາ: ວັນທີ 21 ມັງກອນນີ້, ໃນກອງປະຊຸມກ່ຽວກັບວຽກງານຕັດສິນຄະດີອາຍາສານທົ່ວປະເທດທີ່ຈັດຂຶ້ນຢູ່ປັກກິ່ງ, ທ່ານຊິ່ວຢາງ ປະທານສານປະຊາຊົນສູງສຸດຂອງຈີນກ່າວວ່າ, ເລີ່ມແຕ່ວັນທີ 1 ມັງກອນປີ 2007 ເປັນຕົ້ນມາ, ຈີນເລີ່ມປະຕິບັດການປະຕິຮູບທີ່ໃຫ້ສານປະຊາຊົນສູງສຸດຈີນໃຊ້ສິດກວດກາແລະອະນຸມັດຄະດີຕັດສິນລົງໂທດປະຫານຊີວິດເປັນເອກະພາບກັນ, ໃນ 1 ປີທີ່ຜ່ານມາ, ວຽກງານກວດກາອະນຸມັດການລົງໂທດປະຫານຊີວິດຂອງສານປະຊາຊົນສູງສຸດໄດ້ບັນລຸເປົ້າໝາຍທີ່ "ປະຕິບັດກົດໝາຍຢ່າງເຂັ້ມງວດ, ລົງໂທດການກະທຳຜິດທາງອາຍາຢ່າງຖືກຕ້ອງ, ຄວບຄຸມແລະຕັດສິນປະຫານຊີວິດຢ່າງລະມັດລະວັງໃຊ້ມາດຕະຖານລົງໂທດປະຫານຊີວິດທີ່ເປັນເອກະພາບກັນ, ຮັບປະກັນຄຸນນະພາບຕັດສິນຄະດີລົງໂທດປະຫານຊີວິດ, ຮັກສາຄວາມໝັ້ນຄົງຂອງສັງຄົມ, ແລະຊຸກຍູ້ໃຫ້ສັງຄົມກົມກຽວກັນ".
ທ່ານກ່າວວ່າ, ປີນີ້, ຕ້ອງສືບຕໍ່ບູລະນະລະບຽບການກວດກາອະນຸມັດຄະດີລົງໂທດປະຫານຊີວິດໃຫ້ສົມບູນ, ເຮັດໃຫ້ການລົງໂທດປະຫານຊີວິດມີມາດຕະຖານເປັນເອກະພາບກັນ, ຮັບປະກັນໃຫ້ວຽກງານກວດກາອະນຸມັດການລົງໂທດປະຫານຊີວິດດຳເນີນໄປຢ່າງໝັ້ນທ່ຽງແລະມີລະບຽບໃນໄລຍະຍາວນານ.
|
|
