|
ຈຳນວນຄົນຈີນທີ່ເຂົ້າຮ່ວມການປະກັນໄພສຸຂະພາບແລະປະກັນໄພບຳນານລ້ວນແຕ່ລື່ນກາຍ 200 ລ້ານຄົນ
cri
ຕາມຂ່າວສານຊີນຮວາ: ຕົວເລກທີ່ກະຊວງແຮງງານແລະປະກັນສັງຄົມຂອງຈີນປະກາດໃນວັນທີ 21 ມັງກອນນີ້ສະແດງໃຫ້ເຫັນວ່າ, ນັບມາຮອດທ້າຍປີ 2007,ຈຳນວນຄົນຈີນທີ່ເຂົ້າຮ່ວມການປະກັນໄພສຸຂະພາບແລະປະກັນໄພບຳນານລ້ວນແຕ່ລື່ນກາຍ 200 ລ້ານຄົນ.
ຕົວເລກຂອງກະຊວງແຮງງານແລະປະກັນສັງຄົມຍັງສະແດງໃຫ້ເຫັນວ່າ, ປີ 2007,ຍອດລາຍຮັບຂອງມູນນິທິປະກັນໄພສັງຄົມ 5 ຢ່າງໃນທົ່ວປະເທດຄື ການປະກັນໄພບຳນານ ສຸຂະພາບ ຫວ່າງງານອຸບັດຕິເຫດແຮງງານແລະການເກີດລູກໄດ້ຫລາຍກວ່າ 1000 ຕື້ຢວນເປັນຄັ້ງທຳອິດ, ນັບແຕ່ປີ 2002 ເປັນຕົ້ນມາ,ສະເລ່ຍໄດ້ເພີ່ມຂຶ້ນ 21,5% ຕໍ່ປີ.
ເຈົ້າຫນ້າທີ່ກະຊວງແຮງງານແລະປະກັນສັງຄົມຈີນກ່າວວ່າ, ປີນີ້ ຈະສືບຕໍ່ເປີດກວ້າງຂອບເຂດປະກັນໄພສັງຄົມ, ວາງທິດທາງຊີ້ນຳລະບົບປະກັນໄພບຳນານໃນຊົນນະບົດ;ສືບຕໍ່ສ້າງລະບົບປະກັນໄພສຸຂະພາບພື້ນຖານຂອງພະນັກງານກຳມະກອນໃຫ້ຄົບຖ້ວນສົມບູນ,ສືບຕໍ່ຊຸກຍູ້ວຽກງານຈຸດທົດລອງການປະກັນໄພສຸຂະພາບພື້ນຖານຂອງປະຊາຊົນໃນຕົວເມືອງ.
|
|
