|
ຈີນຫວັງໃຫ້ເຢຍລະມັນພ້ອມກັບຈີນຊຸກຍູ້ການພົວພັນສອງປະເທດ
cri
ຕາມຂ່າວ CRI: ວັນທີ 22 ມັງກອນນີ້, ຢູ່ທີ່ປັກກິ່ງ, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ຫວັງໃຫ້ເຢຍລະມັນພ້ອມກັນກັບຈີນທຳຄວາມພະຍາຍາມ, ປະຕິບັດຕາມຫຼັກມາດຖານພື້ນຖານແຫ່ງການພົວພັນລະຫວ່າງຊາດ, ເຊັ່ນ: ເຄົາລົບເຊິ່ງກັນແລະກັນ, ປະຕິບັດຕໍ່ກັນຢ່າງສະເໝີພາບກັນ, ແລະຕ່າງບໍ່ແຊກແຊງວຽກພາຍໃນຂອງກັນເປັນຕົ້ນ, ຊຸກຍູ້ໃຫ້ການພົວພັນລະຫວ່າງຈີນກັບເຢຍລະມັນຂະຫຍາຍຕົວຢ່າງປອດໃສແລະໝັ້ນທ່ຽງ.
ທ່ານນາງຈ່ຽງອີກ່າວວ່າ, ໃນ 4 ເດື່ອນທີ່ຜ່ານມາ, ຈີນເຢຍລະມັນໄດ້ທຳຄວາມພະຍາຍາມອັນໃຫຍ່ຫຼວງເພື່ອຜ່ານຜ່າຄວາມຫຍຸ້ງຍາກທີ່ປະກົດຕົວໃນການພົວພັນລະຫວ່າງສອງຝ່າຍ. ເຢຍລະມັນໄດ້ກ່າວຕໍ່ຈີນຢ່າງຈະແຈ້ງວ່າ, ເຢຍລະມັນເອົາໃຈໃສ່ໃນລະດັບສູງນຳການຂະຫຍາຍການພົວພັນກັບຈີນ, ຈະສືບຕໍ່ຍຶດໝັ້ນປະຕິບັດນະໂຍບາຍຈີນດຽວຢ່າງເດັດດ່ຽວ, ຮັບຮູ້ວ່າ, ໄຕ້ຫວັນແລະຕິເບດແມ່ນດິນແດນສ່ວນໜຶ່ງຂອງຈີນ, ເດັດດ່ຽວຄັດຄ້ານໄຕ້ຫວັນຈັດ "ການຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ", ບໍ່ສະໜັບສະໜູນ, ແລະບໍ່ສົ່ງເສີມຄວາມພະຍາຍາມໃດໆທີ່ມີເຈດຕະນາຢາກໃຫ້ຕິເບດເປັນເອກະລາດ. ຈີນຫວັງໃຫ້ເຢຍລະມັນເຄົາລົບຄຳໝັ້ນສັນຍາຂອງຕົນ, ເອົາໃຈໃສ່ນຳຄວາມສົນໃຈອັນໃຫຍ່ຫຼວງໃນບັນຫາຜົນປະໂຫຍດໃຈກາງຂອງຈີນຢ່າງເຕັມທີ່.
|
|
