|
|
 |
| (GMT+08:00)
2008-01-22 19:25:00
|
 |
|
ຈີນຈະຊຸກຍູ້ການແລກປ່ຽນແລະການຮ່ວມມືສາກົນໃນການປ້ອງກັນບໍ່ໃຫ້ກາຍເປັນທະເລຊາຍ
cri
Author: m
ຕາມຂ່າວ CRI: ວັນທີ 22 ມັງກອນນີ້, ກອງປະຊຸມສາກົນກ່ຽວກັບການປົວແປງການຫັນເປັນທະເລຊາຍໄດ້ຈັດຂຶ້ນຢູ່ປັກກິ່ງ. ທ່ານຮຸຍລຽງອີ້ ຮອງນາຍົກລັດຖະມົນຕີຈີນເຂົ້າຮ່ວມພິທີໄຂງານແລະກ່າວຄຳປາໄສໂດຍກ່າວເນັ້ນວ່າ, ຈີນຈະແບ່ງປັນບົດຮຽນສຳເລັດຜົນໃນການປ້ອງກັນບໍ່ໃຫ້ກາຍເປັນທະເລຊາຍກັບປະເທດຕ່າງໆໃນໂລກ, ຊຸກຍູ້ການແລກປ່ຽນແລະການຮ່ວມມືສາກົນໃນຂອບເຂດໃຫຍ່ກວ່າເກົ່າ, ຂົງເຂດກວ້າງກວ່າເກົ່າ, ແລະລະດັບສູງກວ່າເກົ່າ.
ທ່ານຮຸຍລຽງອີ້ກ່າວວ່າ, ການບູລະນະການຫັນເປັນທະເລຊາຍແມ່ນໜ້າທີ່ຮັບຜິດຊອບຮ່ວມກັນຂອງປະເທດຕ່າງໆໃນໂລກ. ທ່ານໄດ້ສະເໜີຂໍ້ລິເລີ່ມ 3 ຂໍ້, ຄື ໜຶ່ງ ປະຕິບັດສົນທິສັນຍາປ້ອງກັນບໍ່ໃຫ້ກາຍເປັນທະເລຊາຍສະຫະປະຊາຊາດຢ່າງແທ້ຈິງ, ສອງ ວາງແລະປະຕິບັດຍຸດທະສາດປ້ອງກັນບໍ່ໃຫ້ກາຍເປັນທະເລຊາຍຂອງລັດ, ແລະຈັດເຂົ້າໃນແຜນການສັງລວມແຫ່ງການພັດທະນາເສດຖະກິດສັງຄົມແບບຍືນຍົງແຫ່ງຊາດ. ສາມ ຍຶດໝັ້ນການພັດທະນາກົມກຽວກັນລະຫວ່າງທຳມະຊາດກັບມະນຸດ, ຍຶດໝັ້ນເດີນຕາມເສັ້ນທາງພັດທະນາແບບຍືນຍົງ.
ປະຈຸບັນ, ໃນທົ່ວໂລກມີດິນແດນເກືອບ 30%, ປະເທດແລະເຂດແຄ້ວນ 2 ສ່ວນ 3, ແລະປະຊາກອນ 1 ສ່ວນ 5 ໄດ້ຮັບຜົນຮ້າຍຈາກການຫັນເປັນທະເລຊາຍໃນລະດັບຕ່າງກັນ.
|
|
|
