|
ການຊຸກຍູ້ການຮ່ວມມືຮອບດ້ານລະຫວ່າງຈີນກັບປາກີສະຖານແມ່ນນະໂຍບາຍຂອງຈີນ
cri
Author: m
ຕາມຂ່າວ CRI: ວັນທີ 22 ມັງກອນນີ້, ຢູ່ທີ່ປັກກິ່ງ, ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ປາກີສະຖານແມ່ນຄູ່ຮ່ວມມືຍຸດທະສາດຂອງຈີນ, ການຊຸກຍູ້ການຮ່ວມມືລະຫວ່າງຈີນກັບປາກີສະຖານແມ່ນນະໂຍບາຍທີ່ກຳນົດແລ້ວຂອງຈີນ. ຈີນຍິນດີພ້ອມກັນກັບປາກີສະຖານ, ທຳຄວາມພະຍາຍາມເພື່ອລົງເລິກການພົວພັນຄູ່ຮ່ວມມືຍຸດທະສາດຈີນປາກີສະຖານຢ່າງບໍ່ຢຸດຢັ້ງ.
ໃນກອງປະຊຸມຂ່າວທີ່ກະຊວງການຕ່າງປະເທດຈີນຈັດຂຶ້ນໃນວັນທີ 22 ມັງກອນນີ້, ມີນັກຂ່າວຖາມວ່າ, ນາຍົກລັດຖະມົນຕີອິນເດຍໄດ້ຢ້ຽມຢາມຈີນໃນຫວ່າງມໍ່ໆນີ້, ການຂະຫຍາຍຕົວຢ່າງວ່ອງໄວຂອງການພົວພັນລະຫວ່າງຈີນກັບອິນເດຍຈະມີຜົນສະທ້ອນຕໍ່ການພົວພັນລະຫວ່າງຈີນກັບປາກີສະຖານຫຼືບໍ່?
ທ່ານນາງຈ່ຽງອີກ່າວວ່າ, ຈີນກັບອິນເດຍໃນຖານະກໍ່ເປັນປະເທດໃຫຍ່ທີ່ພວມພັດທະນາແລະເປັນປະເທດບ້ານໃກ້ເຮືອນຄຽງອັນສຳຄັນ, ການປັບປຸງແລະຂະຫຍາຍການພົວພັນເຊິ່ງກັນແລະກັນ, ເພີ່ມທະວີການຮ່ວມມືໃນຂົງເຂດຕ່າງໆ, ບໍ່ພຽງແຕ່ສອດຄ່ອງກັບຜົນປະໂຫຍດຂອງໃຜລາວທໍ່ນັ້ນ, ຍັງມີຜົນດີຕໍ່ສັນຕິພາບ, ສະຖຽນລະພາບແລະຄວາມຈະເລີນຂອງພາກພື້ນນີ້. ພ້ອມກັນນັ້ນ, ທ່ານນາງຈ່ຽງອີຍັງກ່າວວ່າ, ໃນຖານະເປັນປະເທດໃກ້ຄຽງຂອງອິນເດຍແລະປາກີສະຖານ, ຈີນສະໜັບສະໜູນອິນເດຍກັບປາກີສະຖານປັບປຸງການພົວພັນໃຫ້ດີມາໂດຍຕະຫຼອດ.
|
|
