|
ຈີນຈະປະຕິບັດຍຸດທະສາດເປີດປະຕູທີ່ຕ່າງຝ່າຍຕ່າງມີຜົນປະໂຫຍດແລະບໍ່ມີໃຜເສຍປຽບຢ່າງສະເຫມີຕົ້ນສະເຫມີປາຍ
cri
ຕາມຂ່າວສານຊີນຮວາ: ວັນທີ 23 ມັງກອນນີ້ ຂ່າວສານຊີນຮວາ ໄດ້ປະກາດບົດຄວາມກ່າວວ່າ, ກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນຊີ້ອອກວ່າ, ຈີນຈະປະຕິບັດຍຸດທະສາດເປີດປະຕູທີ່ຕ່າງຝ່າຍຕ່າງມີຜົນປະໂຫຍດແລະບໍ່ມີໃຜເສຍປຽບຢ່າງສະເຫມີຕົ້ນສະເຫມີປາຍ.ຈີນເດັດຂາດບໍ່ເຮັດເລື່ອງທີ່ທຳລາຍຜູ່ອື່ນເພື່ອຜົນປະໂຫຍດຂອງຕົວເອງ,ແລະເປັນປໍລະປັກກັບປະເທດອ້ອມຂ້າງ.ບົດຄວາມເຫັນວ່າ, ນີ້ໄດ້ສະແດງໃຫ້ເຫັນຫລັກຫມັ້ນອັນເດັດດ່ຽວຫນຽວແຫນ້ນຂອງປະຊາຊົນຈີນທີ່ຕ້ອນຮັບການທ້າທາຍຂອງເສດຖະກິດໂລກາພິວັດແລະສະແຫວງຫາການພັດທະນາໃນຂະນະທີ່ເປີດປະຕູສູ່ພາຍນອກດ້ວຍທ່າທີອັນຕັ້ງຫນ້າ.
ບົດຄວາມກ່າວວ່າ, ຈີນບັນລຸການພັດທະນາຕົນເອງດ້ວຍການເປີດປະຕູ,ກໍ່ໄດ້ນຳເອົາໂອກາດພັດທະນາມາໃຫ້ປະເທດອື່ນໆ,ໄດ້ຊຸກຍູ້ການພັດທະນາພ້ອມກັນ, ທັງສ້າງຜົນປະໂຫຍດໃຫ້ຕົວຈິງມາໃຫ້ປະຊາຊົນຈີນ,ທັງນຳເອົາໂອກາດແກ່ປະຊາຊົນໂລກ.ຄຽງຄູ່ກັບເສດຖະກິດຈີນພັດທະນາຕື່ມອີກ,ຂະຫນາດຕະຫລາດຂອງຈີນ,ການລົງທຶນຢູ່ຕ່າງປະເທດຂອງຈີນຍ່ອມຈະເປີດກວ້າງອອກຕື່ມອີກ,ນີ້ຈະສ້າງໂອກາດພັດທະນາຍິ່ງຫລາຍກວ່າເກົ່າມາໃຫ້ໂລກ.
ບົດຄວາມກ່າວວ່າ, ການພັດທະນາໃຫ້ເຂັ້ມແຂງຂອງຈີນກໍ່ແມ່ນການພັດທະນາໃຫ້ເຂັ້ມແຂງຂອງກຳລັງສັນຕິພາບໃນທົ່ວໂລກ.
|
|
