ຕາມ​ຂ່າວ​ຈາກ​ໜັງສືພິມ​ເຢິນມິນ​ຢື້​ປ້າວ:ຫວ່າງ​ມໍ່ໆ​ນີ້,ລັດຖະບານ​ຈີນ​ໄດ້​ປະກາດ​ແຈ້ງ​ການ,ວາງ​ເປົ້າ​ໝາຍ​ແລະ​ເວລາ​ກຳນົດ​ຕໍ່​ການປົວ​ແປງ​ນ້ຳ​ໃນ​ໜອງ​ທີ່​ສຳຄັນ.

ໜອງ​ທີ່​ສຳຄັນ​ດັ່ງກ່າວ​ລວມທັງ​ໜອງ​ທ້າຍ​ຮູ​ທີ່​ຢູ່​ແຂວງ​ຈ່ຽງຊູ່ ພາກ​ຕາ​ເວັນ​ອອກ​ຂອງ​ຈີນ,ໜອງ​ຊາວ​ຮູ​ທີ່​ຢູ່​ແຂວງ​ອ່ານ​ຮຸ່ຍ ພາກ​ກາງຂອງ​ຈີນ,ໜອງ​​ແ​ສ​ທີ່​ຢູ່​ແຂວງ​ຢຸນນານ ພາກ​ຕາ​ເວັນ​ຕົກສ​ຽງ​ໃຕ້​ຂອງ​ຈີນ​,​ເຂດ​ອ່າງ​ເກັບ​ນ້ຳ​ສ່ານ​ເຊຍ ພາກ​ຕາ​ເວັນ​ຕົກ​ຂອງ​ຈີນ,ພ້ອມ​ທັງ​ເຂດ​ອ່າງ​ເກັບ​ນ້ຳສ​ຽວລ້າງ​ຕີ​ແລະ​ເຂດ​ອ່າງ​ເກັບ​ນ້ຳ​ຕ່າ​ນຈ່ຽງ​ໂຂທີ່​ຢູ່​ພາກ​ກາງຂອງ​ຈີນ.ລັດຖະບານ​ຈີນ​ຮຽກຮ້ອງ​​ໃຫ້,ຮອດ​ປີ2010,ຄຸນ​ນະພາ​ບຂອງ​ນ້ຳ​ໃນ​ໜອງ​ທີ່​ສຳຄັນ​ເຫຼົ່າ​ນີ້​ຈະ​ຖືກ​ປົວ​ແປງ​ໃຫ້​ດີ,ຮອດ​ປີ2030,ຈະ​ຄ່ອຍໆ​ຟື້ນ​ຟູ​ເຂດ​ໜອງ​ໃຫ້​ມີ​ໂສມ​ໜ້າສວຍ​ສົດ​ງົດ​ງາມ,ສ້າງເປັນ​ສິ່ງ​ແວດ​ລ້ອມທີ່ໜ້າ​ຢູ່​ທີ່​ຊີວະ​ພາບເຂດ​ລ່ອງ​ແມ່​ນ້ຳມີ​ສະພາບ​ດີ,​ແລະ​ຄົນ​ກັບ​ທຳ​ມະ​ຊາດຢູ່​ຮ່ວມ​ກັນ​ຢ່າງ​ເປັນ​ມິດ.