|
|
 |
| (GMT+08:00)
2008-01-23 19:04:54
|
 |
|
ຈີນຮັບຮອງຮ່າງກົດໝາຍຮັກສາຄົນພິການ
cri
Author: shuo
ຕາມຂ່າວສານຊິນຮວາ:ວັນທີ23ມັງກອນນີ້,ຢູ່ທີ່ປັກກິ່ງ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ເປັນປະທານຈັດກອງປະຊຸມປະຈຳຂອງລັດຖະບານ,ຫາລືແລະຮັບຮອງຮ່າງກົດໝາຍວ່າດ້ວຍການຮັກສາຄົນພິການສາທາລະນະລັດປະຊາຊົນຈີນໃນດ້ານຫຼັກການ.
ກອງປະຊຸມເຫັນວ່າ,ແຕ່ປະຕິບັດກົດໝາຍວ່າດ້ວຍການຮັກສາຄົນພິການສາທາລະນະລັດປະຊາຊົນຈີນເມື່ອປີ1991ມານີ້,ໄດ້ເສີມຂະຫຍາຍບົດບາດສຳຄັນຕໍ່ການຊຸກຍູ້ການພັດທະນາວຽກງານຄົນພິການແລະການຮັກສາສິດທິຜົນປະໂຫຍດອັນຊອບກົດໝາຍຂອງຄົນພິການ.ແຕ່ຄຽງຄູ່ກັບການພັດທະນາຂອງເສດຖະກິດສັງຄົມ,ໄດ້ເກີດສະພາບການແລະບັນຫາໃໝ່ຈຳນວນໜຶ່ງໃນດ້ານຮັກສາສິດທິຜົນປະໂຫຍດຂອງຄົນພິການ,ຈຳເປັນຕ້ອງດັດແກ້ກົດໝາຍສະບັບນີ້.ຮ່າງກົດໝາຍສະບັບປັບປຸງນີ້ໄດ້ບູລະນະຫຼືເພີ່ມຕື່ມຂໍ້ກຳນົດກ່ຽວກັບການຮັກສາສິດທິຜົນປະໂຫຍດທີ່ຊອບກົດໝາຍຂອງຄົນພິການ ຄື ຮັກສາສິດຂອງຄົນພິການທີ່ເຂົ້າຮ່ວມວຽກງານແຫ່ງຊາດແລະການຄຸ້ມຄອງວຽກງານສັງຄົມຕາມກົດໝາຍ;ສ້າງແລະບູລະຍະລະບົບບໍລິການທີ່ຊ່ວຍໃຫ້ຄົນພິການຟື້ນຟູສຸຂະພາບ;ສະໜອງການຊ່ວຍເຫຼືອດ້ານເງິນທຶນໃຫ້ແກ່ນັກຮຽນຄົນພິການແລະລູກຂອງຄົນພິການຜູ້ທຸກຍາກ.
ປະຈຸບັນນີ້,ຈີນມີຄົນພິການເກືອບ83ລ້ານຄົນ,ກວມປະຊາກອນທົ່ວປະເທດ6%ຂຶ້ນໄປ.
|
|
|
