ຕາມ​ຂ່າວສານ​ຊິນ​ຮວາ: ວັນ​ທີ 25 ມັງກອນ​ນີ້ ຢູ່​ທີ່​ດາ​ວົສ​ແຫ່ງ​ສະ​ວິສ, ທ່ານ​ບາ​ດາ​ວີ ນາ​ຍົກ​ລັດ​ຖະ​ມົນຕີມາ​ເລ​ເຊຍ​ກ່າວ​ວ່າ, ອາ​ຊຽນຕ້ອງການ​ສືບ​ຕໍ່​ເພີ່ມ​ທະວີ​ການ​ພົວ​ພັນ​ສົນ​ທະ​ນາ​ກັບ​ຈີນ ຍີ່ປຸ່ນ ​ແລະ​ສ.​ເກົາຫຼີ, ​ເພື່ອ​ຊຸກ​ຍູ້​ຄວາມ​ເຊື່ອມ​ຍົງ​ເຂົ້າກັນ​ຂອງ​ພາກ​ພື້ນ​ແຫ່ງ​ນີ້.

​​ໃນ​ກອງ​ປະຊຸມ​ປະຈຳ​ປີ​ຂອງ​ເວທີ​ປຶກສາ​ຫາລື​ເສດຖະກິດ​ໂລກ​, ທ່ານ​ບາ​ດາ​ວີ​ກ່າວ​ວ່າ, ອາ​ຊຽນຄວນ​ສືບ​ຕໍ່​ຊຸກ​ຍູ້​ເປົ້າໝາຍ​ອັນ​ຍາວ​ນານ​ທີ່​ສ້າງ​ປະຊາ​ຄົມ​ຮ່ວມ​ອາ​ຊີ​ຕາ​ເວັນ​ອອກ​ໃນ​ທີ່​ສຸດ. ນີ້​ແມ່ນ​ໜ້າ​ທີ່​ອັນ​ສັບສົນ, ​ແຕ່​ອາ​ຊຽນຕ້ອງ​ຍຶດໝັ້ນ​ຕໍ່​ໄປ. ອາ​ຊຽນ​ຕ້ອງ​ການ​​ແຍກ​ອອກເຊັນ​ສັນຍາ​ການ​ຄ້າ​​​ເສລີກັບ​ຈີນ ຍີ່ປຸ່ນ ​ແລະ​ສ.​ເກົາຫຼີ​ກ່ອນ, ນີ້​ແມ່ນ​ບາດ​ກ້າວ​ທີ່​ຈຳ​ເປັນ​ໃນ​ການ​ບັນລຸ​ເຂດ​ການ​ຄ້າ​ເສລີ​ອາຊີ​ຕາ​ເວັນ​ອອກ​ໃນ​ທີ່​ສຸດ.