ຕາມຂ່າວສານຊິນຮວາ: ຫວ່າງມໍ່ໆນີ້, ເຈົ້າໜ້າທີ່ພະແນກສາທາລະນະສຸກປັກກິ່ງໄດ້ເຜີຍໃຫ້ຮູ້ວ່າ, ພະແນກດັ່ງກກ່າວໄດ້ພິມປື້ມ "ແນະນຳການກອບກູ້ສຸກເສີນປັກກິ່ງ" ສະບັບພາສາຕ່າງປະເທດ 8 ພາສາ, ຈະແຈກຢາຍໃນໄລຍະງານກິລາໂອລິມປິກ, ເພື່ອອຳນວຍຄວາມສະດວກໃຫ້ແກ່ນັກກິລາແລະນັກທ່ອງທ່ຽວຕ່າງປະເທດ.
ເນື້ອໃນຂອງປື້ມແນະນຳດັ່ງກ່າວລວມທັງພາສາທົ່ວໄປໃນການບົ່ງມະຕິແລະການປິ່ນປົວສຸກເສີນ; ຄຳສັບຂອງພະຍາດທົ່ວໄປ ເຊັ່ນ ໄຂ້ຫວັດ ຖອກທ້ອງ ແລະອື່ນໆ ທີ່ອາດຈະປະສົບພົບພໍ້. ໃນປື້ມຍັງມີແຜນທີ່ໂຮງໝໍແລະສູນກອບກູ້ສຸກເສີນທີ່ບໍລິການງານກິລາໂອລິມປິກ, ໃນແຜນທີ່ຄົມມະນາຄົມປັກກິ່ງ ໄດ້ຂຽນຊື່ຂອງໂຮງໝໍດ້ວຍພາສາຈີນແລະພາສາອັງກິດ.
ນອກນີ້, ໃນເວລາເກີດສະພາບສຸກເສີນ, ນັກກິລາແລະນັກທ່ອງທ່ຽວຕ່າງປະເທດພຽງແຕ່ຍົກປົກສີແດງແລະປື້ມ ກໍຈະສາມາດດຶງດູດສາຍຕາຂອງຄົນກາງທາງ ພະນັກງານແພດແລະຕຳຫຼວດ, ແລະຈະໄດ້ຮັບການກອບກູ້ປິ່ນປົວພາຍໃນເວລາສັ້ນທີ່ສຸດ.
|