|
ຕາມຂ່າວ CRI: ວັນທີ 26 ມັງກອນນີ້, ເວທີປຶກສາຫາລືການຄ້າເສດຖະກິດຈີນຣັດເຊຍໄດ້ຈັດຂຶ້ນຢູ່ທີ່ປັກກິ່ງ.
ຫົວຂໍ້ຂອງເວທີປຶກສາຫາລືເທື່ອນີ້ແມ່ນ ປຶກສາຫາລືສະພາບປັດຈຸບັນ ກຳລັງບົ່ມຊ້ອນແລະອະນາຄົດຂອງການຮ່ວມມືດ້ານການຄ້າເສດຖະກິດເຕັກນິກລະຫວ່າງຈີນຣັດເຊຍ.
ໃນພິທີເປີດເວທີ, ສອງປະເທດໄດ້ເຊັນໂຄງການຮ່ວມມືແລະແລກປ່ຽນດ້ານເສດຖະກິດເຕັກນິກຈີນຣັດເຊຍ, ຣັດເຊຍຈະດຳເນີນ 156 ໂຄງການວິທະຍາສາດເຕັກນິກຢູ່ຈີນ, ຕົ້ນຕໍລວມທັງໂຄງການປະຢັດຊັບພະຍາກອນ, ໂຄງການການແພດແລະວິສະວະກຳຊີວະຊາດ ແລະໂຄງການວັດສະດຸໃໝ່ ການອະນຸລັກສິ່ງແວດລ້ອມແລະກະສິກຳ. ນີ້ເປັນຂີດໝາຍສະແດງໃຫ້ເຫັນວ່າ ການຮ່ວມມືຕິດແທດຕົວຈິງລະຫວ່າງຈີນຣັດເຊຍ ໄດ້ມີຄວາມຄືບໜ້າໃໝ່, ມີຜົນດີຕໍ່ຄວາມດຸນດ່ຽງກັນດ້ານການຄ້າລະຫວ່າງສອງປະເທດ.
ປັດຈຸບັນ ຣັດເຊຍແມ່ນຄູ່ການຄ້າໃຫຍ່ທີ 7 ຂອງຈີນ, ຈີນແມ່ນຄູ່ການຄ້າໃຫຍ່ທີ 3 ຂອງຣັດເຊຍ. ມູນຄ່າການຄ້າລະຫວ່າງຈີນຣັດເຊຍປີ 2007 ໄດ້ກາຍ 48 ຕື້ໂດລາສະຫະລັດ.
|
