|
ຈີນຈະເພີ່ມທະວີການອົບຮົມດ້ານວິທະຍາສາດເຕັກໂນໂລຊີຕໍ່ຊາວກະສິກອນ
cri
Author: cai
ຕາມຂ່າວCRI:ວັນທີ 26 ມັງກອນນີ້,ຢູ່ປັກກິ່ງ,ທ່ານເວີ່ຍຊາວອ່ານ ລັດຖະມົນຕີຊ່ວຍວ່າການກະຊວງກະສິກຳຈີນກ່າວວ່າ,ຈີນຈະເພີ່ມທະວີການອົບຮົມວິທະຍາສາດເຕັກໂລໂນຊີຕໍ່ຊາວກະສິກອນ,ຍົກຄຸນນະທາດຂອງແຮງງານຊົນນະບົດຈີນໃຫ້ສູງຂຶ້ນ.
ທ່ານເວີ່ຍຊາວອ່ານແມ່ນໃຫ້ທັດສະນະດັ່ງກ່າວໃນກອງປະຊຸມວຽກງານຜູ້ວ່າການໂຮງຮຽນກະສິກຳທາງວິທະຍຸໂທລະພາບທົ່ວປະເທດຈີນທີ່ຈັດຂຶ້ນໃນວັນທີ 26 ມັງກອນນີ້.
ທ່ານກ່າວວ່າ,ໃນຖານະທີ່ເປັນພື້ນຖານສຳຄັນຂອງການອົບຮົມດ້ານວິທະຍາສາດເຕັກໂນໂລຊີຕໍ່ຊາວກະສິກອນ,ໂຮງຮຽນກະສິກຳທາງວິທະຍຸໂທລະພາບທຸກຂັ້ນຕ້ອງອີງຕາມຄວາມຮຽກຮ້ອງຕ້ອງການຂອງການພັດທະນາກະສິກຳຢູ່ທ້ອງຖິ່ນ,ກຳນົດທິດການອົບຮົມຢ່າງຈະແຈ້ງ,ເປີດກວ້າງເນື້ອໃນການອົບຮົມ,ປັບປຸງວິທີອົບຮົມໃຫ້ສົມບູນຂຶ້ນ;ຕ້ອງຈັດຕັ້ງຄູອົບຮົມເຂົ້າບ້ານ,ໄປໄຮ່ນາຕາກ້າ,ດຳເນີນການອົບຮົມດ້ານວິທະຍາສາດເຕັກໂນໂລຊີ.
ຕາມແຜນ,ປີນີ້,ໂຮງຮຽນກະສິກຳທາງວິທະຍຸໂທລະພາບທຸກຂັ້ນຂອງຈີນຈະດຳເນີນການອົບຮົມດ້ານວິທະຍາສາດເຕັກໂນໂລຊີປະເພດຕ່າງໆຕໍ່ 20 ລ້ານກວ່າເທື່ອຄົນ.
|
|
