|
ຕາມຂ່າວສານຊິນຮວາ: ວັນທີ 28 ມັງກອນນີ້ ຢູ່ທີ່ປັກກິ່ງ, ທ່ານລາສຊີໂອ ໂຄວັກ ເຈົ້າໜ້າທີ່ທີ່ຮັບຜິດຊອບອາກອນແລະດ່ານພາສີຂອງຄະນະກຳມາທິການສະຫະພາບເອີລົບທີ່ພວມຢ້ຽມຢາມຢູ່ທີ່ປັກກິ່ງໄດ້ກ່າວວ່າ, ເພື່ອລົງເລິກການຮ່ວມມືລະຫວ່າງຈີນສະຫະພາບເອີລົບຕື່ມອີກໃນການປົກປ້ອງສິດຊັບສິນທາງປັນຍາ, ຈີນສະຫະພາບເອີລົບພວມປຶກສາຫາລືແຜນການເຄື່ອນໄຫວປົກປ້ອງສິດຊັບສິນທາງປັນຍາອັນລະອຽດ.
ໃນເວລາເຈລະຈາກັບທ່ານໂໝວຊິ່ນເຊິ່ງ ຫົວໜ້າກົມພາສີແຫ່ງຊາດຈີນ, ທ່ານໂຄວັກກ່າວວ່າ, ການປົກປ້ອງສິດຊັບສິນທາງປັນຍາແມ່ນຫົວຂໍ້ສຳຄັນອັນໜຶ່ງໃນການຄ້າລະຫວ່າງຈີນກັບສະຫະພາບເອີລົບ, ຈີນສະຫະພາບເອີລົບໄດ້ເລີ່ມຄົ້ນຄວ້າເນື້ອໃນລະອຽດກ່ຽວກັບແຜນການນີ້ແລ້ວ.
ໃນການເຈລະຈາລະຫວ່າງຜູ້ນຳຈີນສະຫະພາບເອີລົບຄັ້ງທີ 10 ທີ່ຈັດຂຶ້ນໃນປີກາຍນີ້, ຈີນສະຫະພາບເອີລົບທັງສອງຝ່າຍໄດ້ກ່າວຢ່າງຄັກແນ່ວ່າ ຈະສືບຕໍ່ເພີ່ມທະວີການຮ່ວມມືດ້ານດ່ານພາສີໃນຂົງເຂດການປະຕິບັດກົດໝາຍປົກປ້ອງສິດຊັບສິນທາງປັນຍາ, ແລະປະຕິບັດແຜນການທີ່ມີຈຸດປະສົງເພື່ອຮັບປະກັນຄວາມປອດໄພແລະຄວາມສະດວກໃນການຄ້າລະຫວ່າງຈີນສະຫະພາບເອີລົບ.
|
