ຕາມ​ຂ່າວສານ​ຊິນ​ຮວາ: ຕາມ​ສະຖິຕິຂອງກະຊວງ​ການ​ປົກຄອງ​ແລະ​ປະ​ຊາ​ສົງ​ເຄາະ​ຂອງ​ຈີນ, ນັບ​ມາ​ຮອດ​ວັນ​ທີ 28 ມັງກອນ​ນີ້, ສະພາບ​ຫິມະ​ແລະ​ຝົນຕົກ​ໜັກ​ທີ່​ມີ​ມາ​ແຕ່​ວັນ​ທີ 10 ​ເດືອນ​ນີ້ ​ໄດ້​ເຮັດ​ໃຫ້​ປະຊາຊົນ 77 ລ້ານ​ກວ່າ​ຄົນ​​ໃນ 14 ​ແຂວງ ​ເຊັ່ນ ​ແຂວງ​ອ່ານ​ຮຸ່ຍ ​ແຂວງ​ຫູ​ໜານ ​ແຂວງ​ຫູ​ເປ ​ເຂດ​ກວາງ​ຊີ່​ແລະ​ແຂວງ​ກຸ້ຍ​ໂຈ່​ວຂອງ​ຈີນປະ​ສົບ​ໄພ. ອົງ​ການ​ປົກ​ຄອງ​ເຂດ​ປະ​ສົບ​ໄພ​ແຫ່ງ​ຕ່າງໆ​ຂອງ​ຈີນ​ໃຊ້​ມາດ​ຕະການອັນຕັ້ງໜ້າ ​ເພື່ອ​ຮັບ​ປະ​ກັນ​ຊີ​ວິດ​ກາ​ນ​ເປັນ​ຢູ່​ຂັ້ນ​ພື້ນຖານ​ຂອງ​ປະຊາຊົນ.

ອົງການ​ປົກຄອງ​ແຂວງ​ຫູ​ເປ​ເບີກ​ເງິນ​ກູ້​ໄພ​ສຸກ​ເສີນ​ຈຳນວນ 10 ລ້ານ​ຢວນ, ທັງ​ຂົນ​ສົ່ງ​ເສື້ອ​ຝ້າຍ​ແລະ​ຜ້າ​ຫົ່ມ 1 ​ແສນ 2 ໝື່ນ​ຜືນ​ໄປ​ໃຫ້​ເຂດ​ປະສົບ​ໄພ. ນັບ​ມາ​ຮອດ​ປັດ​ຈຸ​ບັນ, ອົງ​ການ​ປົກຄອງ​ແລະ​ປະຊາ​ສົງ​ເຄາະ​ແຂວງ​ຫູ​ໜານ​ໄດ້​ເບີກ​ເງິນ​ສຸກ​ເສີນ 32 ລ້ານ 4 ​ແສນ​ຢວນ, ​ແຈກ​ຢາຍ​ເສື້ອ​ຜ້າ 6 ​ແສນ 2 ໝື່ນ​ໂຕ. ​ແຂວງ​ກຸ້ຍ​ໂຈ່​ວ​ໄດ້​ຈັດ​ສັນງົບ​ປະ​ມານ​ສຸກ​ເສີນ 27 ລ້ານ 7 ​ແສນ​ກວ່າ​ຢວນ ​ແລະ​ສະບຽງ​ອາຫານ ​ເສື້ອ​ຜ້າ​ກັນ​ໜາວ​ແລະ​ຢຸກ​ຢາ​ເປັນ​ຕົ້ນ. ​ເຂດ​ປົກ​ຄອງ​ຕົນ​ເອງ​ເຜົ່າ​ຈ້ວງກວາ​ງຊີ່ ​ໄດ້​​​ໃຊ້​ງົບປະມານ 5 ລ້ານ​ຢວນ ​ເພື່ອ​ຊ່ວຍ​ເຫຼືອ​ປະ​ຊາ​ຊົນ​ໃນ​ເຂດ​ປະສົບ​ໄພ.