ຕາມ​ຂ່າວສານ​ຊິນ​ຮວາ: ​ໃນ​ຈຳນວນ​ການຮ້ອງ​ຂໍ​ລິ​ຂະ​ສິດ​ການ​ປະດິດ​ສ້າງ​ທີ່​ກົມ​ສິດ​ຊັບ​ສິນ​ທາງ​ປັນຍາ​ແຫ່ງ​ຊາດ​ຈີນ​ຮັບ​ຊຳລະນັ້ນ, ພາຍໃນປະເທດມີ 1 ແສນ 5 ໝື່ນ​ກວ່າ​ລາຍ,​ເພີ່ມ​ຂຶ້ນ 25% ເມື່ອທຽບໃສ່ປີ 2006, ກວມຍອດຈຳນວນການຮ້ອງ​ຂໍ​ລິ​ຂະ​ສິດ​ການ​ປະ​ດິດ​ສ້າງ 60% ຂຶ້ນ​ໄປ.

ວັນ​ທີ 29 ມັງກອນ​ນີ້, ທ່ານ​ຖຽນລີ້​ຜູ ຫົວໜ້າ​ກົມ​ສິດ​ຊັບ​ສິນ​ທາງ​ປັນຍາ​ແຫ່ງ​ຊາດ​ຈີນ ​ໄດ້​ກ່າວ​ໃນ​ກອງ​ປະຊຸມ​ຫົວໜ້າ​ພະ​ແນ​ກສິດ​ຊັບ​ສິນ​ທາງ​ປັນຍາ​ທົ່ວ​ປະ​ເທດ​ວ່າ, ​ໃນ​ປີ 2007, ຈຳ​ນວນ​ການຮ້ອງ​ຂໍ​ລິ​ຂະ​ສິດ​ການ​ປະດິດ​ສ້າງ​ພາຍ​ໃນ​ແລະ​ຕ່າງປະ​ເທດ ລ້ວນ​ແຕ່​ໄດ້​ມີ​ທ່ວງ​ທ່າ​ເພີ່ມ​ຂຶ້ນ, ​ແຕ່​​ພາຍ​ໃນ​ປະ​ເທດ​ໄດ້​ຫຼາຍກວ່າຕ່າງປະ​ເທດ​ຢ່າງ​ຈະ​ແຈ້ງ. ນີ້​ສະ​ແດງ​ໃຫ້​ເຫັນ ວ່າ, ຄວາມ​ສາມາດ​ປະດິດ​ສ້າງ​ດ້ວຍ​ຕົນ​ເອງ​ຂອງ​ຈີນ​ໄດ້​ເພີ່ມ​ທະ​ວີ​ຂຶ້ນ​ຢ່າງ​ບໍ່​ຢຸດ​ຢັ້ງ, ຄຸນ​ນະ​ພາ​ບກໍ​ໄດ້​ເພີ່ມ​ຂຶ້ນຕື່ມ​ອີກ.