|
ຕາມຂ່າວສານຊິນຮວາ: ວັນທີ 31 ມັງກອນນີ້, ຣັດເຊຍກັບອາເມລິກາໄດ້ອອກຖະແຫຼງການຮ່ວມ, ປະກາດວ່າ ສອງປະເທດຈະເຈລະຈາກັນທາງດ້ານເສດຖະກິດຢ່າງເປັນທາງການ.
ທ່ານອັງເດຼ ເດນີຊົຟ ລັດຖະມົນຕີຊ່ວຍວ່າການກະຊວງການຕ່າງປະເທດຜູ້ທີໜຶ່ງຂອງຣັດເຊຍ ກັບທ່ານເຣເບັນ ເຈເຟຣີ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາທີ່ຮັບຜິດຊອບວຽກງານເສດຖະກິດ ພະລັງງານແລະກະສິກຳ ທີ່ໄປຢ້ຽມຢາມ ໄດ້ເຈລະຈາກັນຢູ່ມົດສ໌ກູໃນມື້ດຽວກັນ.
ຕາມຖະແຫຼງການ, ການເຈລະຈາທາງດ້ານເສດຖະກິດຢ່າງເປັນທາງການລະຫວ່າງຣັດເຊຍກັບອາເມລິກາຈະຈັດຂຶ້ນຢູ່ທີ່ວໍຊິງຕັນຂອງອາເມລິກາ.
ທ່ານເຈເຟຣີເດີນທາງໄປຮອດມົດສ໌ກູຢ້ຽມຢາມຣັດເຊຍໃນວັນທີ 29 ມັງກອນນີ້.
|
