|
ຕາມຂ່າວສານຊິນຮວາ: ນະຄອນຫຼວງປັກກິ່ງຈະເພີ່ມທະວີການຕິດຕາມຄວບຄຸມຄວາມປອດໄພດ້ານຄຸນນະພາບຂອງອາຫານທີ່ນຳເຂົ້າເພື່ອງານກິລາໂອລິມປິກນັ້ນຕື່ມອີກ, ໂດຍສະເພາະແມ່ນເພີ່ມທະວີການຈົດທະບຽນ ການສຳຫຼວດແລະຕິດຕາມຄວບຄຸມວັດຖຸດິບຂອງອາຫານນຳເຂົ້າເພື່ອສະໜອງງານກິລາໂອລິມປິກ, ຕໍ່ອາຫານທີ່ບໍ່ໄດ້ມາດຕະຖານນັ້ນ ຈະສົ່ງຄືນແລະທຳລາຍຢ່າງເດັດຂາດ.
ນີ້ແມ່ນນັກຂ່າວໄດ້ຊາບຈາກກອງປະຊຸມວຽກງານຄວາມປອດໄພຂອງອາຫານນະຄອນຫຼວງປັກກິ່ງທີ່ຈັດຂຶ້ນໃນວັນທີ 1 ກຸມພານີ້.
ທ່ານຈ່າງຈື້ຄ່ວນ ຫົວໜ້າຫ້ອງການປະສານງານຄວາມປອດໄພຂອງອາຫານນະຄອນຫຼວງປັກກິ່ງກ່າວວ່າ, ປີນີ້ ນະຄອນຫຼວງປັກກິ່ງຈະເລີ່ມນຳໃຊ້ລະບົບຕິດຕາມຄວບຄຸມແລະສຳຫຼວດແຫຼ່ງທີ່ມາຂອງອາຫານງານກິລາໂອລິມປິກຢ່າງຮອບດ້ານ, ຈັດຕັ້ງປະຕິບັດລະບົບຈົດທະບຽນວັດຖຸດິບຂອງອາຫານ ລະບົບຈົ່ງແບບຢ່າງຂອງອາຫານ ລະບົບຖອດເອົາຕົວຢ່າງມາສຳຫຼວດ ແລະລະບົບການສຳຫຼວດແຫຼ່ງທີ່ມາຂອງອາຫານຢ່າງເຂັ້ມງວດ.
|
