|
ປະທານໝູນວຽນຂອງສະຫະພາບອາຟະລິກາກ່າວວ່າ,ປະເທດອາຟະລິກາຄວນເລັ່ງລັດຂະບວນການພັດທະນາອຸດສາຫະກຳໃຫ້ໄວຂຶ້ນ
cri
Author: shuo
ຕາມຂ່າວສານຊິນຮວາ:ວັນທີ2ກຸມພານີ້,ໃນພິທີອັດປະຊຸມສຸດຍອດຄັ້ງທີ10ຂອງສະຫະພາບອາຟະລິກາ,ທ່ານຈາຄາຢາ ມະຣີໂຊ ຄິກເວເຕີ ປະທານໝູນວຽນສະຫະພາບອາຟະລິກາທີ່ຮັບເລືອກຕັ້ງໃໝ່ ປະທານາທິບໍດີຕັງຊານີກ່າວວ່າ,ປະເທດອາຟະລິກາຕ້ອງໃຊ້ມາດຕະການເລັ່ງລັດຂະບວນການພັດທະນາອຸດສາຫະກຳໃຫ້ໄວຂຶ້ນ,ເພື່ອເພີ່ມໂອກາດປະ ກອບອາຊີບແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ທ່ານຄີກເວເຕີກ່າວວ່າ,ຜົນສຳເລັດອັນສຳຄັນອັນໜຶ່ງຂອງກອງປະຊຸມສຸດຍອດຄັ້ງນີ້ແມ່ນໄດ້ເລືອກຕັ້ງປະທານ ຮອງປະທານພ້ອມດ້ວຍເຈົ້າໜ້າທີ່ພິເສດຕ່າງໆຂອງຄະນະກຳມະການສະຫະພາບອາຟະລິກາ.
ທ່ານເຈນ ປີງ ປະທານຄະນະກຳມະການສະຫະພາບອາຟະລິກາທີ່ເລືອກຕັ້ງໃໝ່ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດກາບົງກ່າວວ່າ,ເຖິງວ່າປະຈຸບັນນີ້ອາຟະລິກາປະເຊີນໜ້າກັບບັນຫາທັງເກົ່າແລະໃໝ່ຈຳນວນບໍ່ໜ້ອຍກໍຕາມ,ແຕ່ທ່ານເຊື່ອວ່າ ປະເທດຕ່າງໆຂອງອາຟະລິກາຈະມີອະນາຄົດທີ່ດີ.
|
|
