|
ຈີນຈະປະກອບສ່ວນຍິ່ງຫຼາຍກວ່າເກົ່າເຂົ້າໃນການອະນຸລັກສິ່ງແວດລ້ອມຂອງທົ່ວໂລກ
cri
Author: cai
ຕາມຂ່າວCRI:ວັນທີ 4 ກຸມພານີ້,ຢູ່ປັກກິ່ງ,ທ່ານຫຼີກ້ານເຈຍ ຮອງຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ,ຈີນຈະປັບປຸງຄຸນນະພາບສິ່ງແວດລ້ອມຂອງປະເທດຕົນໃຫ້ດີຂຶ້ນຢ່າງບັງເກີດຜົນ,ພ້ອມກັນນັ້ນ,ຍັງຈະປະກອບສ່ວນຍິ່ງຫຼາຍກວ່າເກົ່າເຂົ້າໃນການອະນຸລັກສິ່ງແວດລ້ອມຂອງທົ່ວໂລກ.
ໃນເວລາພົບປະກັບທ່ານຮາລິດ ມາລິກ ຜູ້ຕາງໜ້າອົງການສະຫະປະຊາຊາດເພື່ອການພັດທະນາຫຼື UNDP ,ທ່ານຫຼີກ້ານເຈຍກ່າວວ່າ,ລັດຖະບານຈີນເອົາໃຈໃສ່ໃນລະດັບສູງນຳການອະນຸລັກສິ່ງແວດລ້ອມ,ໃນຫຼາຍປີມານີ້,ຜ່ານຈາກການໃຊ້ນະໂຍບາຍແລະມາດຕະການຕ່າງໆທີ່ມີປະສິດທິຜົນສູງ,ວຽກງານອະນຸລັກສິ່ງແວດລ້ອມຂອງຈີນໄດ້ຮັບການຂະຫຍາຍຕົວຢ່າງຫຼວງຫຼາຍ.ປີກາຍນີ້,ໃຕ້ສະພາບທີ່ເສດຖະກິດເຕີບໂຕຢ່າງວ່ອງໄວແລະລະດັບບໍລິໂພກໄດ້ສູງຂຶ້ນຢ່າງເດັ່ນຊັດ,ການຫຼຸດການລະບາຍມົນລະພິດຂອງຈີນໄດ້ມີການຄືບໜ້າອັນສຳຄັນ,ປະລິມານລະບາຍຊຸນເຟີດີອັອກສິດແລະຄວາມຕ້ອງການອອກຊິດດ້ານເຄມີ(ຫຼືCOD)ລ້ວນແຕ່ໄດ້ຫຼຸດໜ້ອຍລົງ.
ທ່ານຫຼີກ້ານເຈຍກ່າວວ່າ,ໃນຕໍ່ໜ້ານີ້,ຈີນຈະເຂົ້າຮ່ວມການຮ່ວມມືດ້ານສິ່ງແວດລ້ອມສາກົນດ້ວຍທ່າທີທີ່ຕັ້ງໜ້າ ເປັນເຈົ້າການແລະຕິດແທດຕົວຈິງກວ່າເກົ່າ,ຜ່ານຈາກການຖອດຖອນບົດຮຽນແລະເຕັກນິກທີ່ກ້າວໜ້າ,ຍົກລະດັບວຽກງານອະນຸລັກສິ່ງແວດລ້ອມໃຫ້ສູງຂຶ້ນຢ່າງບໍ່ຢຸດຢັ້ງ.
|
|
