ຕາມ​ຂ່າວສານ​ຊິນ​ຮວາ: ວັນ​ທີ 6 ກຸມພາ​ນີ້, ທ່ານ​ລີ​ຊຽນລົງ ນາຍົກລັດຖະມົນ​ຕີ​ສິງ​ກະ​ໂປ ​ໄດ້​ຮຽກ​ຮ້ອງ​ໃຫ້​ຄົນ​ທັງຫຼາຍ​ຈົ່ງ​ເຮັດ​ການກະກຽມ​ໃຫ້​ດີ​ເພື່ອ​ຮັບ​ມື​ກັບ​ເສດ​ຖະ​ກິດ​ທີ່​ບໍ່​ໝັ້ນ​ທ່ຽງ​ໃນ​ອະນາຄົດ, ທ່ານ​ກໍ​ຫວັງ​ໃຫ້​ຄົນ​ສິງກະ​ໂປ​ຢ່າ​ເສຍ​ຄວາມ​ໝັ້ນ​ໃຈ​ຍ້ອນ​ວິ​ຕົກ​ກັງ​ວົນ​ໂພດ, ​ເພາະວ່າ​ສິງກະ​ໂປ​ມີ​ພື້ນຖານ​ອັນ​ໜາ​ແໜ້ນ, ມີ​ຄວາມ​ສາ​ມາດ​ຕໍ່​ຕ້ານ​ກັບ​ວິ​ກິດ​ການ​ຕ່າງໆ​ທີ່​ອາດ​ຈະ​ເກີດ​ຂຶ້ນ​ໃນ​ຕໍ່ໜ້າ.

ທ່ານ​ລີ​ຊຽນລົງ​ແມ່ນ​ໃຫ້​ທັດສະນະ​ດັ່ງກ່າວ ​ໃນ​ເວລາ​ກ່າວ​ຄຳ​ອວຍ​ພອນ​ບຸນ​ກຸດ​ຈີນ. ທ່ານ​ກ່າວ​ວ່າ, ປີ​ກຸນທີ່ຈະ​ຜ່ານ​ພົ້ນ​ໄປ​ນັ້ນ​ແມ່ນ​ປີ​ໜຶ່ງ​ທີ່​ໄດ້ຜົນ​ອຸດົມ​ສົມ​ບູນ, ​ເສດ​ຖະ​ກິດ​ຂອງ​ສິງ​ກະ​ໂປ​ໄດ້​​ເຕີບ​ໂຕ​​ຫຼາຍ 4 ປີ​ລຽນຕິດ ​ແລະ​ໄດ້​ສ້າງ​ສະຖິຕິ​ຄື ​ໄດ້​ສ້າງ​ຕຳ​ແໜ່​ງວຽກ​ງານ 2 ​ແສນ 3 ໝື່ນ 7000 ຕຳ​ແໜ່​ງ​ພາຍໃນ​ໜຶ່ງປີ, ອັດຕາ​ຫວ່າງ​ງານ​ກໍ​ຢູ່​ໃນ​ລະ​ດັບ​ຕຳ​ສຸດ​ໃນ 10 ປີ​ຜ່ານ​ມາ.

ທ່ານ​ລີ​ຊຽນລົງ​ລະດົມ​ໃຫ້​ຊາວສິງກະ​ໂປຮັບ​ມື​ກັບ​ສິ່ງ​ທ້າ​ທາຍ​ທີ່​ປະ​ເຊີນ​ໜ້າ​ໃນ​ປີ​ຊວດ ດ້ວຍ​ຫົວຄິດ​ປະດິດ​ສ້າງ​ແລະ​ສະຕິ​ປັນຍາ, ຕ້ອນຮັບ​ປີ​ທີ່​ດີ​ອີກ​ປີ​ໜຶ່ງ​ເພື່ອ​ຊາດ​ແລະ​ກໍ​​ເພື່ອ​ຕົນ​ເອງ.