ຕາມ​ຂ່າວສານ​ຊິນ​ຮວາ: ກະຊວງ​ການ​ຄ້າ​ຈີນ​ໄດ້​ເປີດ​ເຜີຍ​​ວ່າ, ປີ​ກາຍ​ນີ້, ​ຜະ​ລິດ​ຕະ​ພັນ​ກົນ​ຈັກ​ແລະ​ເຄື່ອງ​ໄຟຟ້າ​ທີ່​ຈີນ​ຖືກ​ປະມູນ​ໃນສາກົນ​​ໄດ້​ສືບ​ຕໍ່​ເປີດ​ກວ້າງ​ອອກ​ຢ່າງ​ວ່ອງ​ໄວ, ນັບ​ລວມ​ແລ້ວ, ມູນ​ຄ່າ​​ຖືກ​ປະມູນ​ມີ​ເຖິງ 25 ຕື້​ໂດ​ລາ, ​ເພີ່ມ​ຂຶ້ນ​ເກືອບ 30% ​ເມື່ອທຽບ​ໃສ່​ປີ 2006.

​ເຈົ້າໜ້າ​ທີ່​ກະຊວງ​ການ​ຄ້າ​ຈີນ​ກ່າວ​ວ່າ, ​ເພື່ອ​ພັດທະນາ​ອຸດສາຫະກຳ​ຜະ​ລິດ​​ອຸ​ປະ​ກອນ​ຂອງ​ຈີນ, ​ໃນ​ບາດກ້າວ​ຕໍ່​ໄປ ຈີນ​ຈະ​ເສີມ​ຂະຫຍາຍບົດບາດ​ຂອງ​ລະບົບ​​ປະ​ມູນ​ສາ​ກົນ​ຢ່າງ​ເຕັມ​ສ່ວນ​ໃນ​ການ​ຍົກ​ສູງຄວາມ​ສາມາດ​ປະດິດ​ສ້າງ​ດ້ວຍ​ຕົນ​ເອງ​ຂອງ​ວິ​ສາ​ຫະ​ກິດ.